M. Tullius Cicero, Tusculanae Disputationes,

book 1, section 21 (original) (raw)

Click on a word to bring up parses, dictionary entries, and frequency statistics

[21]Dicaearchus 1 2 autem in eo sermone, quem Corinthi 3 habitum tribus libris exponit, doctorum 4 hominum disputantium primo libro multos loquentes facit; duobus Pherecratem 5 quendam Phthiotam senem, quem ait a Deucalione ortum, disserentem inducit nihil esse omnino animum,6 et hoc esse nomen totum inane, frustraque 7 animalia et animantis 8 appellari, neque in homine inesse animum vel animam nec in bestia, vimque omnem eam, qua vel agamus quid vel sentiamus, in omnibus corporibus vivis aequabiliter 9 esse fusam nec separabilem a corpore esse, quippe quae nulla sit, nec sit quicquam nisi corpus unum et simplex, ita figuratum ut temperatione naturae vigeat et sentiat.

1 dice archus KRV

2 dicaearcus | G1

3 chorinthi GK

4 dictorum X, corr. in KV

5 pherecraten G pthiotam X (pth. G phiot. K)

6 animum omnino K

7 et post frustraque_add._ V1? vix recte

8 animantes V2

9 aequabiliter V (exp. m. vet.)

Tusculanae Disputationes. M. Tullius Cicero. M. Pohlenz. Leipzig. Teubner. 1918.