Новгородская летопись (original) (raw)

Назад Оглавление Вперёд
Двойной щелчок левой кнопкой мыши показывает/скрывает примечания к тексту.

ПРИЛОЖЕНИЕ ПЕРВОЕ

Извлечения из воронцовского списка х

лл. 3—6 об.

1 В Т в нашеи

2 В рукописи звание.Так и в Рум. списке. Испр. по Толст. списку.

3 В Т и тако

4 В рукописи питании. Так и в Р. Испр. по Т.

5—5 в рукописи яже. Так и в Р. Испр. по Т.

х Воронцоеский список № 31. 7. 31 (Воронц. 1090) 20-х гг. XIX в. См. Предисловае, стр. ХIII.

/л.3./ Временникъ, еже нарѣчается лѣтописание рускихъ князеи и земля Руская, и како избра богъВперёднашу на послѣднее время, и грады почаша бывати по мѣстомъ, прежде Новгородская волость, потомъ Киевская, и о поставлении Кия, како во имя его назвася Киевъ. Якоже древле именовался царь Ромулъ и во имя его прозвася Римъ; и паки Антиохъ и Антиохия Великая; и паки Селевкии и бысть Селевкия; и паки Александръ и бысть во имя его Александрия; и бысть многая мѣста, тако прозваны быша грады въ имена царевъ тѣхъ и князеи тѣхъ: такожъ и нашеи 1Вперёдѣ званъ 2 бысть градъ великии Киевъ во имя Кия, его же нарицаютъ перевозника бывша, и нѣкия же: ловы дѣяше около города своего. Еже 3 бо есть промыслъ божии, еже явѣ въ послѣднея времена: откуду же древле погании 4 жряху бѣсомъ на горахъ, нынѣ же паки туды святыя церкви и златоверхия каменозданныя стоятъ, и монастыревѣ велиции поставлены быша, и черноризецъ въ нихъ исполнено бысть, безпрестанно славяще бога въ молитвахъ, во бдѣнии, въ постѣ и въ слезахъ, ихъ же ради молитвъ миръ стоитъ. Аще бо къ святымъ сыи прибѣгнемъ церквамъ, тѣмъ велику мзду прииметъ души и тѣлу. Мы 5 же 5 паки на послѣдование возвратимся, глаголюще сице о началѣ Руския земли и о князехъ, како и откуду быша. Васъ молю, стадо Христово, съ любовию приклоните уши ваши разумно,

1 В рукописи отбираху.Так и в Р. Испр. по Т.

2 Буква у переделана из какой-то другой буквы.

3 В рукописи съ люди. Так. и в Р. В Ноег. 4-й на люди

4 В рукописи боюще.Так и в Р. Испр. по Т.

5 В рукописи мало ми. Так и в Т.

6—6 Текст_испорчен. Так же и в_ Р. В Новг. 4-й сбираемо извѣется

7 На полях тем же почерком отъ христа 853

како быша древние князи и мужие ихъ и како отбараху 1Руския земли и ины страны прияху подъ ся. Тии бо князя не собираху многа имѣния, ни творяху 3 вѣръ, /л.3об./ ни продажъ въскладаху 2съ люди; 3 но еже будяше правая вѣра, а ту возмя, даяше дружинѣ на оружие. А дружина его кормяхуся, воююще 4 ины страны и биющеся и рекуще: «братье, потягнемъ Ію своемъ князѣ и по Рускои земли»; глаголюще: «мало 5есть намъ, княже, 200 гривенъ». Они бо не складаху на своя жены златыхъ обручеи, но хожаху жены ихъ въ сребреныхъ; и росплодили бы землю Рускую. За наше несытство навелъ богъ на ны поганыя, а и скоты наши и села наши и имѣния за тѣми суть, а мы своихъ злыхъ дѣлъ не отстанемъ. Пишется бо: богатство неправдою собираемъ 6 и вѣмъ 6; и паки: собираетъ и не вѣсть, кому собираетъ я. И паки: лучше малое праведнику, паче богатства грѣшныхъ многа. Да отселѣ, братия моя возлюбленная, останемся отъ несытства своего, но довольны будете уроки своими, яко и Павелъ пишетъ: ему же дань, то дань; ему же урокъ, то урокъ; никому же насилия творяще, милостинею оцвѣтуще, единолюбиемъ въ страсѣ божии и правовѣрие свое спасение содѣвающе, да и здѣ добрѣ поживемъ и тамо жизни вѣчныя причастницы будемъ. Си же таковая. Мы же отъ начала Рускои земли до сего лѣта и все по ряду да извѣстно скажемъ, отъ Михаила царя до Александра и Исакия.

Въ лѣто 6362 (sтξв) 7. [854] Начало земли Рускои. Живяху кождо съ родомъ своимъ на своихъВперёдхъ, владѣюще кождо родомъ своимъ. И быша три братия, единому имя Кии, а другому имя Щекъ, а третьему имя Хоривъ, а сестра ихъ Лыбедь. И сѣдяше Кии на горѣ, идѣже нынѣ увоз Боричевъ и бѣ съ родомъ своимъ; а братъ его Щекъ на другои горѣ, отъ него же прозвася Щековица; а третии Хоривъ, отъ него же прозвася Хоревица. И сотвориша городокъ, во имя брата своего старѣйшаго нарекоша имя граду тому Киевъ. И бяше/л.4/ около ихъ лѣсъ и боръ великъ, и бяху ловище звѣрие. И быша мужие мудры и смыслены и нарицахуся Поляне, отъ нихъ же суть киенѣ Поляне и до сего дне; бяху же поганы, жруще езеромъ и кладеземъ, рощениемъ, яко же прочии погании.

В сия же времена бысть въ Греческои земли, рекше царскомъ градѣ, именемъ Михаилъ царь и мати его Ирина, иже проповѣдаетъ поклонение иконамъ въ первую недѣлю поста.

1 Так и в Р. В Ком. списке Судъ

2 Слово фотиемъ_подчеркнуто, и внизу, под строкой с выносним знакомтой же рукой написано:_ въ лѣтѣ отъ христа 780-мъ царь Кокстантинъ и мать его Ирина на престолѣ греческомъ были, о которыхъ упоминаетъ синаксарь первой недѣли поста, а Фотий былъ константинопольгкий патриархъ въ 870-мъ году при царѣ Еасилии, во время осмаго собора, Михаила же царя съ материею Ириною въ девятомъ вѣкѣ въ Греции никогда не бывало.

3 В рукописи нападоша.Так и в Р. Испр. по К.

4 В рукописи видяща.Так и в Р. Испр. по К.

При семъ же царѣ паки приидоша Русь на Царьградъ въ кораблехъ, безчисленно кораблеи, 200; вшедше въ Суды 1 много зла сотвориша Грекамъ и убииство велико христиаьомъ. Царь же съ патриархомъ Фотиемъ 2мольбу сотвориша въ церквя святыя Богородицы въ Лахернѣ всю нощь; такожъ святои богородицы ризу изнесше, въ море скудь омочиша, тишинѣ сущи; абие буря воста и потопляше корабли руския въ морѣ, и изверже я на брегъ, и во свояси возвратишася. По сихъ лѣтѣхъ братья сии изгибоша; и быша обидимы Древлянѣ, иными окольными. И наидоша 3 я Козаре на горахъ сихъ сѣдяща 4въ лѣсѣхъ, и рѣша: «платите намъ дань». Сдумавше же Поляне и даша отъ дыма мечь. И несоша Козаре ко князю своему и старѣишинамъ своимъ. Князь же созва старѣишины своя и рече имъ: «се налѣзохомъ дань нову». Они же рѣша ему: «откуду». Онъ же рече: «въ лѣсѣ на горахъ надъ рѣкою Днѣпрскою». Они же рѣша: «что суть дали». И показа имъ мечь; и рѣша старцы Козарстии: «не добра дань сия есть намъ, княже; мы доискахомся оружиемъ единыя страны, рекше саблями, а сихъ же оружие обоямо остро, рекше мечи; сии имутъ и на насъ имати дань и на иныхъВперёдхъ». Се сбистся, не отъ своея воли рекше, отъ божия повелѣния. Яже при/л.4об./ фараонѣ царѣ египетстѣ, егда приведоша Моисея, и рѣша старѣишины фараони: «сеи хощетъ смирити власто египетскую»; яко и бысть, погибоша Египтяне от Моисея, а первѣе бѣша работающе имъ; тако и сии первѣе владѣша, послѣ же самими владѣша; яко же и бысть: владѣетъ Козары князь рускии и до нынѣшняго дни. Но и мы на преднея возвратимся. По сихъ же по братии тои приидоста два Варяга и нарекостася князема, единому имя Оскольдъ, а другому Диръ; и бѣста княжаща въ Киевѣ и владѣюща Полями. И бѣша рати съ Древляны и съ Углицы. Во времена же Киева и Щека и Хорива новгородскии люди, рекомии Словени, и Кривицы и Мере: Словени свою волость имѣли, а Кривицы свою, а Мере свою; кождо своимъ родомъ владѣша; а Чудь своимъ родомъ; и дань даяху Варягомъ отъ мужа по бѣлии вѣверцы; яже бяхъ у нихъ, то ти насилье дѣяху Словеномъ, Кривичемъ и Мерямъ и Чуди. И восташа Словени и Кривицы и Меря и Чудь на Варяги, и изгнаша я за море; и начаша владѣти сами себѣ и городы ставити. И восташа сами на себя воевать, и бысть межь ими рать велика и усобица, и восташа градъ на градъ, и не бяше въ нихъ правды. И рѣша: «поищемъ себѣ князя, иже бы владѣлъ нами и рядилъ ны по праву».

1 Так в рукописи.

2 В рукописи уское.Так и в Р. Испр. по К.

3 На полях 920

Идоша за море къ Варягомъ, глаголюще сице: «земля ваша 1 велика и обильна, а наряда у насъ нѣсть, да поидите къ намъ княжити и владѣти нами». Избрашася три брата съ роды своими и пояша съ собою дружину многу и предивну, и приидоша къ Новугороду. И сѣде старѣишии въ Новѣгородѣ, бѣ бо имя его Рюрикъ; а другои сѣде на Бѣлѣозерѣ, имя ему Синеусъ; а третии въ Изборскѣ, а имя ему Труворъ. И отъ тѣхъ Варягъ, находникъ тѣхъ, прозвашася Русь, и отъ тѣхъ словетъ Руская земля; и суть новгородстии людие до днешняго дне отъ рода варяжска. По двою же лѣту умре Синеусъ и братъ его Труворъ, и прия власть единъ Рюрикъ, обою брату власть, и нача владѣти единъ. И роди сына, и нарече имя ему Игорь, и возрастшу же ему Игорю, и бысть храбръ и мудръ. И бысть у него вое/л.5./вода, именемъ Олегъ, мужъ мудръ и храбръ. И начаста воевати и налѣзоста Днѣпръ рѣку и Смоленскъ городъ. И оттуду поидоста внизъ по Диѣпру, и приидоша къ горамъ киевскимъ и узрѣста градъ Киевъ сущь, и испытавъ, кто въ немъ княжитъ; и рѣша: «два брата, Оскольдъ и Диръ». Игорь же и Олегъ, творящася мимоидуща, и потаистася въ лодьяхъ, и съ малою дружиною излѣзоста на брегъ, подугорскими творящеся гостьми, и созваста Оскольда и Дира. Слѣзшима же има, выскакаху прочии воины изъ лодьи, Игоревы, на брегъ; и рече Игорь Оскольду: «вы нѣста князя, ни роду княжа; но азъ есмъ, князь и мнѣ достоитъ княжити». И убиша Оскольда и Дира, и несоша на гору, погребоша Оскольда на горѣ, еже ся Угорьское 2 наричется, идѣже есть дворъ Ольминъ; на тои могилѣ постави Ольма церковь святаго Николы, а Дирева могила за святою Ириною. И сѣде Игорь, княжа, въ Киевѣ; и бѣша у него мужи Варязѣ, Словени, и оттолѣ прочии прозвашася Русью. Сеи же Игорь нача грады ставити и устави дани даяти Словеномъ и Варягомъ и Кривичемъ и Мерямъ дань даяти Варягомъ, а отъ Новаграда гривенъ 300 на лѣто мира дѣля, еже не даютъ. И приведе жену отъ Плескова, именемъ Ольгу, и бѣ мудра и смыслена, отъ нея же родися сынъ Святославъ. По сихъ же.

Въ лѣто 6428 3. [920] Посла вои на Греки Игорь рускии 10.000. Приплыша къ Царюграду, много зла сотвориша Русь, Суди бо вси пожгоша огнемъ; а ихъ же емше пленники, овѣхъВперёдху, иныхъ же къ земли посѣкаху, а другия же поставляюще, стрѣлами стрѣляху; еликоже ратнии творятъ, изломяще опаки руцѣ связающе, гвозди желѣзными посредѣ главъ вбивающе, и многия церкви огневи предаша. Бысть же Романъ тогда царь. Посла царь Романъ Патрикия Феофана съ вои на Русь и огненнымъ строемъ пожже корабли руския. И возвратишася Русь во своя. Въ томъ же лѣтѣ препочиша и другое, на третьее идоша.

1 На полях 921

2 На полях 922

3—3 В Т многу

4 Слово прѣ подчеркнуто, а на полях написано тем жё почерком парусы

5 В рукописи нѣсти. Так и в Р. Испр. по К.

6 В рукописи Олегу.Так и в Р. Испр. по К.

7 Написано так: паволочи-тыя

8 Слово прѣ опущено. Так и в РТ.

Въ лѣто 6429 1. [921] Игорь и Олегъ пристроиста вои многи, и Варяги и Поляни и Словени и Кривичи, и корабли/л.5об./ многи безчисленны.

Въ лѣто 6430 2. [922] Иде Олегъ на Греки и прииде къ Царюграду; и Грецы замкоша Суды, а градъ затвориша. И влѣзъ Олегъ, и повелѣ влещи корабли на брегъ, и повоева около града, и много убииство сотвориша Грекомъ, и разбиша многи полаты и церкви. И повелѣ воемъ своимъ колеса здѣлати и поставити корабли на колеса. И бывшу ту 3 яко 3вѣтру, и вспяша прѣ 4, и сила идоша ко граду. И видѣвше же и убояшася Грецы, и рѣша, выславше ко Ольгови: «не погубляи града; имемся по дань, яко же хощеши». И остави Олегъ воя; и внесоша ему брашно, вино, и не прия его, бѣ бо устроено со отравою. И убояшася Грецы: «нѣсть 5 Олегъ 6, но святыи Дмитрии посланъ отъ бога на ны». И заповѣда Олегъ дань даяти на 100 кораблеи по 12 гривенъ на человѣка, а въ кораблѣ по 40. Самъ же взя злато и паволоки, и возложи дань, юже дань даютъ и доселѣ княземъ рускимъ. И рече Олегъ: «шиите прѣ паволочитѣ Руси, а Словеномъ кропинны»; и бысть тако. Повѣси же щитъ свои во вратѣхъ, показуя побѣду; и поиде отъ Царяграда. И вспяша прѣ Русь паволочитыя 7, а Словени кропинныя; и раздра вѣтръ кропинныя. И рѣша Словени: «имемъ ся своихъ толстинахъ; не даны суть Словеномъ:» 8. Потомъ прииде Олегъ къ Киеву и ко Игорю, несыи злато и паволоки и вино и овощь. И прозвася Олгъ вѣщии; и бяху людие погани невѣгласѣ. И иде Олгъ къ Новугороду и оттуду въ Ладогу. Друзии же сказуютъ, яко идущу ему за море, и уклюну змия въ ногу и съ того умре; есть могила его въ Ладозѣ. Игорь же сѣдяше въ Киевѣ княжа, и воюя на Древляны и на Углицѣ. И бѣ у него воевода именемъ Свиналдъ; и примучи Углицѣ, возложи на ня дань, и вдасть Свиналду. И не вдавдеся единъ градъ, именемъ Пересѣченъ; и сѣде около его три лѣта, едва взя. И бѣша сѣдяще Углицѣ по Днѣпру вънизъ. И дастъ же дань деревскую Свинальду, и имаше по чернѣ кунѣ отъ дыма. И рѣша дружина Игореви: «се далъ еси единому мужеви много». По семъ скажемъ въ приключившихся лѣтехъ сихъ.

1 На полях 940

2 На полях 943 и 45

3 Так и в Р. _В_КТ хощеть

Въ лѣто 6431, 6432, 6433, 6434, 6435, 6436, 6437, 6438, 6439, 6440,6441, /л.6./ 6442, 6443, 6444, 6445, 6446, 6447, 6448 1. В се лѣто яшася Угличи по дань Игорю, и Пересѣчень взятъ бысть. Въ се же лѣто дастъ дань на нихъ Свиналду.

Въ лѣто 6449 и 6450 [942]. Вдастъ дань деревскую Свиналду томужъ.

Въ лѣто 6451, 6452, 6453 2. [945] Въ то же лѣто рекоша дружина ко Игореви: «отроцы Свиналжи издобилися оружиемъ и порты, а мы нази, да поиди княже съ нами въ Древляны на дань: и ты добудеши и мы». И послуша ихъ Игорь, иде в дани, и насиляше имъ мужи его; и возмя дань, поиде въ свои градъ. Идущу же ему вспять, размысливъ, рече дружинѣ своеи: «идите з данью домовъ, а азъ возврашуся и похожу еще». И пусти дружину свою домови, съ малою дружиною возвратися, желая большаго имѣния. Слышавше Древляне яко еще грядетъ къ нимъ сице здумавше Древляне съ княземъ своимъ Маломъ, глаголюще къ себѣ: «аще волкъ ввадитъ во овцы, то выноситъ все стадо, аще не убиютъ его; тако и сеи, аще его не убиемъ, то и вся ны погубитъ». И послаша къ нему, глаголюще сице: «по что идеши паки къ намъ; поималъ бо еси всю дань у насъ». И абие не послуша ихъ Игорь. Они же изъ града Коростеня изшедше Древляне противу, и убиша дружину Игореву и самого князя Игоря убиша: бѣ бо ихъ мало. И погребоша Игоря; и есть могила его у Коростеня града въ Древѣхъ и до сего дне. А Ольга бяше тогда въ Киевѣ съ сыномъ своимъ съ дѣтскомъ Святославомъ, и кормилецъ его Асмутъ, и воевода бѣ Свиналдъ, тотъ же отецъ Мстишинъ. Рѣша же Древляне: «се князя убихомъ рускаго; и поимемъ жену его Ольгу за князь свои Малъ, а Святослава, сотворимъ ему якоже хощемъ 3». И послаша Древляне, изобравши лучшии мужи числомъ 15, въ лодки къ Олзѣ, и присташа подъ Биричевомъ, бѣ бо тогда вода текущи подлѣ горы Киевския, и на Подолѣ не сѣдяху людие, но на горѣ; градъ же бяше Киевъ, «дѣже нынѣ есть Гродятинъ и Микифоровъ дворъ, а княжь бяше дворъ во градѣ, идѣже есть нынѣ дворъ Воротиславль и Чюдинъ; а первѣи сице бѣ внѣ града, и бѣ внѣ градѣ дворъ другии; бѣ бо те/л.6об./ремъ каменъ ту. И повѣдаша Олзѣ, яко Древляне приидоша, и возва я Ольга къ себѣ, и рече имъ: «добрѣ приидосте гости». И рече Ольга: «да глаголете, что ради приидосте сѣмо». Рѣша же Древляне: «посла ны Деревская земля, глаголюще сице: мужа твоего убихомъ, бяше бо мужъ твои аки волкъ, восхищая и грабя; а наши князи добры суть и расплодили землю нашу; и да поиди убо за князь нашъ за Малъ»; бѣ бо имя ему Малъ князю Деревскому. Рече же имъ Ольга: «люба ми есть рѣчь ваша, уже бо ми своего мужа не воскресити но хощу вы почтити на утрия предъ людьми своими, а нынѣ идите въ ладью свою и лязите въ лодьи, веселящеся; и азъ заутра пошлю по васъ, вы же рцыте: не ѣдемъ на конехъ, ни пѣши не ходемъ, но понесите ны въ лодьи; и вознесутъ вы въ лодьи». И отпусти я въ лодьи. Ольга же повелѣ ископати яму велику и глубоку на дворѣ теремстѣмъ внѣ града. И заутра Ольга, сѣдяще въ теремѣ, посла по гости. Слуги же приидоша къ нимъ, глаголюще: «зоветъ вы Ольга на честь велику». Они же рѣша: «не ѣдемъ на конехъ, ни пѣши, ни на возехъ; но понесите ны въ лодьи». Глаголаше же кияне къ нимъ: «неволя есть намъ; князь нашъ убиенъ бысть, а наша княгиня хощетъ за вашего князя»; и понесоша я въ лодьи. Они же сѣдяху въ перегбехъ великихъ, сустугахъ, гордящеся. Принесоша я на дворъ ко Олзѣ, и несши вринуша я въ яму съ людьми. И приникши Ольга, рече имъ: «добра ли вы честь». Они же рѣша: «пуще есть Игоревѣ смерти».

л. 8 об.—9. 6453—6475 гг.

1 Так и в Т.

2 На полях написано 956, 964

3 Написано в рукописи подъ кладъ, но буква ъ зачеркнута.

Якоже и Ольга часто глаголаше: «и азъ, сыне мои, бога познахъ и радуюся; аще ты познаеши, и радоватися начнеши». Онъ же не внимаше, глаголя: «како азъ хощу инъ законъ прияти единъ, а дружина смѣятися начнутъ». Она же рече ему: «аще крестишися, и вси имутъ креститися съ тобою». Онъ же не послушаше матери своея, творяще нравы поганския; не вѣдыи бо, аще кто матери не послушаетъ и въ бѣду впадаетъ, якоже рече: «аще кто отца не послушаетъ или матери, смертию да умретъ». Сеи же тому словеси 1 гнѣвашеся на матерь свою, иже глагола ему. Соломонъ же рече: «кажаи злыя прииметъ себѣ досаждение». Но обаче любляше Ольга своего сына Святослава, глаголюще въ себѣ: «воля божия да будетъ; аще хощетъ богъ помиловати роду моего и земли Руския, да возложитъ имъ богъ на сердце обратитися къ богу, якоже и мнѣ богъ дарова». И се рекши, моляшеся за люди и за сына и по вся нощи и дни, кормяще сына своего до мужества своего и до возраста его.

Въ лѣто 6464, 6465, 6466, 6467, 6468, 6469, 6470, 6471, 6472 2. [964] Князю Святославу возрастшу и возмужавшу, нача вои совокупляти многи и храбры; и бѣ бо самъ храбръ, и легко ходя, яко пардусъ; и воины многи творяще ходя, и возъ по себѣ не возяше, ни котлы, ни мясъ варя, но потонку мясъ изрѣзавъ, конину или звѣрину, грядину на углехъ испекъ, ядаше; ни шатра имѣяше, но подкладъ 3 постилаше, а сѣдло /л.9/ в головахъ кладяше; такоже и прочии вои вси бяху его. Послаше коВперёдмъ, глаголя: «хощу на вы итти».

1 Слово Волгу подчеркнуто, а на полях более мелко написано вѣроятно на Днѣстръ, что изъ следующаго ясно видѣть можно

2 На полях написано 965

3 Слово Бѣлувѣжу_подчеркнуто, а на полях написано_ Бѣлувѣжа стоитъ на Днѣстрѣ, а Яссы за Прутомъ

4 На полях написано 968

Иде на Оку рѣку и на Волгу 1. И налѣзъ Вятицы, и рече къ Вятицемъ: «кому дань даете». Они же рекоша: «Козаромъ даемъ по шелягу, отъ орала даемъ имъ».

Въ лѣто 6473 2. [965] Иде Святославъ на Козары. Слышавше же Козары, изыдоша противу съ княземъ своимъ каганомъ на сѣчь, и соступишася оба полцы, и бысть брань, и одолѣ Святославъ Козаромъ и градъ ихъ Бѣлувѣжу 3 взя. И Ясы побѣди и Касоги, и приведе къ Киеву.

Въ лѣто 6474 [966]. Побѣди Святославъ Вятицъ и дань на нихъ возложи.

Въ лѣто 6475 [967]. Иде Святославъ на Дунаи и на Болгоры. И бившимся обоимъ, и одолѣ паки Святославъ Болгоромъ, и взя по Дунаю градовъ 80, и сѣде ту княжа въ Переяславцы и емля дань на Грецѣхъ.

Въ лѣто 6476 4 [968]. Приидоша Печенѣзѣ на Рускую землю первѣе; а Святославъ бяше въ Переяславцѣ; а Ольга тогда затворися со внуки своими: съ Ярополкомъ и Ольгомъ и Володимеромъ во градѣ Киевѣ. И оступиша Печенѣзи градъ въ силѣ тяжцѣ, безчисленное множество около града; и не бѣ льзѣ изъ града вылѣсти, ни вѣсти послати; изнемогаху людие гладомъ и жаждою. И собрашася людие оныя страны Днѣпра въ лодьяхъ, стояху об онуВперёд, не бѣ льзѣ внити въ Киевъ ни единому ихъ, изъ града къ нимъ. Востужиша людие во градѣ и рѣша: «нѣсть ли кого у насъ, иже бы моглъ на онуВперёддоити: аще не приступите утро подъ градъ, предатися имамъ Печенѣгомъ». И рече имъ единъ отрокъ: «азъ преиду». Они же глаголаше: «иди». И абие изыде изъ града съ уздою и ристаше сквозѣ Печенѣзи, сице глаголя: «не видѣсте ли коня никтоже»; бѣ бо юноша умѣя печенѣжски; они мняху его своего. И сеи яко приближися къ рѣцѣ и свергъ съ себе порты, абие сунуся въ Днѣпръ и побредѣ. Видѣвше же Печенѣзы, устремишася на нь, стрѣляюще его; и не возмогоша ему ничтоже сотворити зла.

лл. 12—12 об. 6488 г.

Сеи бо Блудъ затворився съ Ярополкомъ, слаше къ Володимеру часто, веля ему приступити ко граду бранию, самъ мысля убити Ярополка, гражаны же не бѣ льзѣ убити его. Блудъ же не возмогъ, како бы погубити, замысли лестию, веля ему ни злазити на брань изъ града. Рече Блудъ Ярополку: «кияне сяются къ Володимеру, глаголюще: приступаи ко граду, яко предамъ ти Ярополка; побѣгни изъ града». И послуша его Ярополкъ и избѣгъ, пришедъ затворися во градѣ Роднѣ. И бѣ гладъ великъ въ немъ, и есть притча сия и до сего дне: «бѣда аки въ Роднѣ»; а Володимиръ вниде въ Киевъ. И осѣдаху Ярополка въ Роднѣ. И рече Блудъ Ярополку: «видѣши ли, колико есть вои у брата твоего; намъ бо ихъ не пребороти; и твори миръ съ братомъ своимъ», льстя подъ нимъ сия. Рече Ярополкъ: «тако буди».

1 В рукописи силе.Испр. по Р.

2 Здесь в тексте рукописи значительный пропуск, но в рукописи текст написан без перерыва.

И посла Блудъ къ Володимеру сице 1 глаголя, яко «сбыстся мысль твоя, яко приведу къ тебѣ Ярополка, ты же пристрои убити и». Володимеръ же то слышавъ, и абие вшедъ въ теремныи дворъ отень, о немъ же прежде сказахомъ, сѣде ту съ вои и съ дружиною своею. И рече Блудъ Ярополку: «поиди/л.12об./къ брату своему и рцы ему: что ми ни вдаси, то азъ прииму». И поиде Ярополкъ; и рече ему Варяжко: «не ходи, княже, убиютъ тя; побѣгни въ Печенѣги и приведеши вои»; и не слуша его. И прииде Ярополкъ ко Володимеру, яко полѣзе въ двери, подьяста два Варяга мечемъ подъ пазусѣ, Блудъ же затвори дверь и не дастъ ити по немъ своимъ, и тако убиенъ бысть Ярополкъ. А Варяжко же видѣвъ, яко убиенъ быстъ Ярополкъ, бѣжа отъ нихъ въ Печенѣги на Володимера. Володимеръ же залѣзе жену братню Грекиню, и бѣ не праздна, отъ нея же родися Святополкъ. Отъ грѣховнаго бо корене золъ плодъ бываетъ, понеже бо была бѣ мати его черницею, а второе, Володимиръ залеже ю не по браку, прелюбодѣицъ убо есть; тѣм же и отецъ его не любяше: бѣ бо отъ двою отцу, отъ Ярополка и отъ Володимера.

лл. 15—15 об. 6494 г.

И нача философъ глаголати сице: въ начало исперва богъ 2 человѣкомъ реклъ на небо созидати столпъ, то повелѣлъ бы самъ богъ словомъ, яко же сотвори богъ небо и землю и море и вся видимая и невидимая. Того ради сего языкъ не измѣнися, и отъ сего суть и Евреи. На седмъ же десятъ и на единъ языкъ раздѣлишася и разыдошася поВперёдмъ, кождо ихъ свои нравъ имуще; и по диаволю научению ови же рощениемъ вѣроваша и кладязямъ и рѣкамъ, и не познаша бога. Отъ Адама же до потопа лѣтъ 2242, а отъ потопа до раздѣления языкъ лѣтъ 529. И по сем.ъ диаволъ паки большее прельщение вверже въ человѣки, и начаша кумиры творити, ови древяны, иныи мѣдяны, друзии мраморяны и златыя и сребряныя, и кланяхуся имъ, и приводяху сыны и дщери своя, и закалаху предъ ними; и бѣ вся земля осквернена. И начальникъ же бяше сему кумирутворению Серухъ; творяше бо кумиры во имена мертвыхъ человѣкъ, бывшимъ овѣмъ царемъ, другимъ же храбрымъ, волхвомъ и женамъ прелюбодѣицамъ. Сеи же Серухъ роди Фару; Фара же роди три сыны, Авраама, Нахора и Арана. Фара же творяше кумиры, навыкъ у отца своего. Авраамъ же, пришедъ во умъ, возрѣ на небо и рече: «воистинну то есть богъ, иже се сотворилъ; а отецъ мои прельщаетъ человѣки». И рече Авраамъ: «искушу /л.15об./ богъ отца своего», и рече: «отче, почто искушаеши и прелыцаеши человѣки, творя кумиры древяныя; тои есть богъ, иже сотвори небо и землю». И приимъ Авраамъ огнь и зажже кумиры въ храминѣ. Видѣ же се Аранъ, братъ Авраамовъ, ревнуя ло идолѣхъ, хотѣ вымцати идолы, и самъ сгорѣ ту Аранъ. и умре предъ отцемъ. Прежде бо сего не бѣ умиралъ сынъ предъ отцемъ, но отецъ предъ сыномъ; и отъ сего почаша умирати предъ. отцы сынове. И возлюби богъ Авраама, и рече богъ Аврааму: «изыди отъ земли твоея, и отъ хижъ своихъ и иди въ землю, юже ти азъ покажуу и сотворю тя въ языкъ великъ, и благословятъ тя колѣна земная».

лл. 17 об.—18. 6494 г.

1 Так и в 1. В К хотѣниа

2—2 В К тысущах

3 В рукописи лѣтѣ.Испр. по К.

Малахиа же рече: «тако глаголетъ господь: уже нѣсть ми хотѣша 1 прорицати о воплощении божии». Первое Давидъ, глаголя: «рече господь господеви моему: сяди одесную мене, дондеже положу враги твоя подножию ногама твоима». И паки рече: «господь рече ко мнѣ: сынъ мои еси ты, азъ днесь родихъ тя». И Исаия рече: «не посолъ и ни вѣстникъ, но самъ господь пришедъ спасетъ ны». И паки: «яко дѣтищь родися намъ, ему же начало бысть на рамѣ его, и прозовется велика свѣта ангелъ, и велика власть, и миру его нѣсть конца». И паки: «се дѣва во чревѣ прииметъ и родитъ, и нарекутъ имя ему Еммануилъ». Михия рече: «Вифлеемъ, домъ Ефратовъ, еда не многъ еси въ тѣхъ 2сущихъ 2 Иудовыхъ; изъ тебе бо изыдетъ старѣишина быти во И израили, исходи его отъ нынѣ и до вѣка; сего ради дастся, до времени раждающия родитъ, и прочии отъ братии его обратятся на сыны Иизраилевы». Иеремия рече: «се богъ нашъ, не вмѣнится инъ къ нему; изобрѣте всякъ путь художества и дастъ Иакову, отроку своему; по сихъ же на земли явися и съ человѣки поживе». И паки: «человѣкъ есть; кто увѣсть, яко богъ есть; и яко человѣкъ умираетъ». Прорекоша же и страсти его, рекуще, яко же рече Исаия: «о лютѣ 3 души ихъ, понеже совѣтъ золъ совѣщаша, рекуще: свяжемъ праведника». И паки тои же рече: «тако глаголетъ господь: азъ ни спротивлюся, ни глаголю противу и лице свое не отвратихъ отъ стыдѣния и заплевания». Моисеи рече о распятии его: «узрите животъ вашъ висящъ прямо очима вашима». Исаиа рече: «яко овца на заколение веденъ бысть». Ездра же рече: «благословенъ богъ, распростеръ руцы свои и спасъ Иерусалимъ». О воскресении же его рекоша; Давидъ же рече: «востани боже, суди земли, яко ты наслѣдиши во всѣхъ языцѣхъ». И паки: «воста, яко спя господь». И паки: «да воскреснетъ богъ и расточатся вразы его». И паки: «воскресни /л.18./господи боже мои, да вознесется рука твоя».

лл. 18-19. 6494 г.

Мария, убоявшися, скры отроча. Иосифъ же съ Мариею, материею Иисусовою, поимше отроча, бѣжа во Египетъ до умертвия Иродова. Во Египтѣ же явися ангелъ Иосифови, глаголя: «востани, поими отроча и матерь его, и изыди въ землю Иизраилеву». Пришедшу же ему, вселися въ Назаретъ. И возрастшу же ему, бывшу лѣтъ 30, нача чудеса творити и проповѣдати царство небесное; и избра себѣ ученикъ 12 и нарече имена, и нача чудеса творити велика, и мертвыя воскрешати, прокаженныя очищати, хромымъ ходити, слѣпымъ прозрѣние творити, и ина многа чудеса велия, яко же бѣша пророцы прорекли о немъ, глаголюще: «тои недуги наша исцѣли и болѣзни понесе». И крестися отъ Иоанна во Иорданѣ, показа новымъ людемъ обновление. Крестившу же ся ему, и се отверзошася небеса, и Духъ сходящъ въ видѣ голубинѣ на нь, и гласъ глаголя: «сеи есть сынъ мои возлюбленныи, о немъ же благоизволихъ». И посылаше ученики своя проповѣдати царство и покаяние во /л.18об./ оставление грѣховъ. И хотя исполнити проречения, нача повѣдати, яко подобаетъ сыну человѣческому пострадати, распяту быти и въ третии день воскреснути. Учащу же ,ему въ церкви, архиереи и книжники исполнишася зависти, и искаху убити, имше, ведоша и ко игемону Пилату. Пилатъ же испыта, яко безъ вины предаша его, и хотѣ пустити его. Они же рѣша ему: «аще сего пустиши, не имаши быти другъ кесареви». Пилатъ повелѣ, да распнутъ. Они же, поимше Иисуса, ведоша его на мѣсто Краниево, и распяша ту; и бысть тма по всеи земли отъ шестаго часа до девятого; и по девятомъ часѣ испусти духъ Иисусъ; и церковная завѣса раздрася на двое, и мертвии восташа мнози, имъ же повелѣ въ раи ити. И снемше со креста, положиша во гробѣ, и печатьми запечаташа гробъ людие жидовстии, и стражи приставиша, рекуще: еда украдутъ ученицы его. Онъ же въ третии день воскресе, явися ученикомъ, рекъ имъ: идите во вся языки и научите вся страны, крестяще во имя Отца и Сына и святаго Духа. И пребысть съ ними 40 днии, являяся имъ по воскресении; и егда исполнишася день 40, повелѣ имъ ити въ гору Елионскую; и явися имъ, благословивъ я, и рече имъ: «сядете во градѣ Иерусалимѣ, дондеже послю вы обѣтование отца моего». И се рекъ, возношашеся на небо. Они же поклонишася ему, и возвратишася во Иерусалимъ, и бяху въ церкви выну. И егда скончашася дние 50, и сниде духъ святыи на апостолы; и приемши обѣтование святаго Духа, разыдошася по всеи вселеннѣи, учаше и крестяще водою. Рече же Володимиръ: «что ради отъ жены родися, и на древѣ распятся, и водою крестися». Онъ же рече ему: «сего ради, и понеже исперва родъ человѣческии женою согрѣши, диаволъ прельсти Еву и Адама, и отпаде рая; такожъ и богъ отместие дая диаволу, женою первѣе побѣждение бысть диаволу, женою бо испаде Адамъ изъ рая; отъ жены же воплотися богъ и повелѣ ити въ раи вѣрнымъ. А еже распяту быти, сего ради: отъ древа вкушъ, испаде породы, богъ же сего ради страсть прия на древѣ, да древомъ диаволъ побѣжденъ будетъ, а отъ древа животнаго приимутъ праведнии. А еже водою обновление: понеже при Ное, умножившимся грѣхомъ въ человѣцѣхъ, и наведе богъ потопъ на землю и потопи человѣки водою; сего ради рече богъ: «понеже погубихъ человѣки грѣхъ ихъ ради, нынѣ же паки водою очищу грѣхи /л.19./ человѣкомъ, обновлениемъ водою»; ибо жидовскии родъ въ мори очистишася отъ египетскаго злаго нрава, понеже вода изначала бысть первѣе, рече бо: «духъ божии ношашеся верху воды». Еже нынѣ крестятся духомъ и водою, яко же Гедеонъ прообрази по семъ; егда прииде къ нему ангелъ, веля ему ити на Мадиамы, онъ же, искушая, рече къ богу, положивъ руно на гумнѣ, рекши тако: «аще будетъ суша по всеи земли, а на рунѣ роса». И положи руно; и заутра видѣвъ по всеи земли сушу, а на рунѣ роса.

Назад Оглавление Вперёд