Puma concolor (original) (raw)
| Puma concolor | |
|---|---|
| Denominacions populars | |
| puma | |
| Estau de conservación | |
 Cuasi menazau (IUCN) |
|
| Clasificación cientifica | |
| Reino: | Animalia |
| Filo: | Chordata |
| Subfilo: | Vertebrata |
| Clase: | Mammalia |
| Orden: | Carnivora |
| Familia: | Felidae |
| Chenero: | Puma |
| Especie: | Puma concolor |
| Descripción | |
| Puma concolor Linnaeus, | |
| Distribución cheografica | |
O puma[1] (nombre cientifico Puma concolor) ye un mamífero carnívoro d'a familia Felidae nativo d'America.[2]
Iste gran felino tiene un aria de distribución mas gran que cualsiquier atro mamífero salvache terrestre d'o continent, ya que s'extiende dende o Yukón, en Canadá, dica o sud d'a cordillera d'os Andes y a Patagonia, Argentina y Chile en America d'o Sud. O puma ye adaptable y cheneralista, por o que se troba en os prencipals biomas de toda America. Ye o segundo mayor felido en o Nuevo Mundo, dimpués d'o chaguar, y o cuarto mas gran d'o mundo, de conchunta con o leopardo y dimpués d'o tigre, o león y o chaguar. A suya grandaria ye mayor que a d'o leopardo d'as nieus, encara que ye mas emparentau con os chicoz felinos, ya que, a diferencia d'os grans felinos d'o chenero Panthera, que pueden ruchir, o puma ronroneya como que os felinos menors.
Como que ye un depredador d'emboscada, o puma acaza una ampla variedat de presas. O suyo prencipal alimento son os ungulaus como os ciervos, en particular en a parte septentrional d'a suya aria de distribución, pero tamién caza camelidos como o guanaco y especies tan chicotas como insectos y radedors. Prefiere hábitat con vechetación densa entre as horas d'aguaito, pero puede vivir en zonas ubiertas.
O puma ye territorial y tiene una baixa densidat de población. A extensión d'o suyo territorio depende d'a vechetación y de l'abundancia de presas. Encara que ye un gran depredador, no siempre ye a especie dominant en a suya aria de distribución, como que cuan compite con atros depredadors como que o chaguar. Se tracta de un felino solitario que por lo cheneral priva a las personas. Os ataques a sers humans son raros, encara que a suya frecuencia ha creixiu en os zaguers anyos.
O puma estió considerau una fiera periglosa a partir d'a colonización europea d'America. Ista consideración y a progresiva ocupación humana d'os hábitats d'o puma han feito que as suyas poblacions disminuigan en cuasi toz os suyos hábitats historicos. En particular, o puma fue acotolau en a parte oriental d'America del Norte, con excepción d'o caso aislau d'una subpoblación en a Florida. Se creye que iste felino podría recolonizar parte d'o suyo antigo territorio oriental. Con a suya ampla distribución cheografica, o puma tiene decenas de nombres y ye mencionau con diversas referencias en a mitolochía d'os lugars d'America y tamién en a cultura contemporania.
- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ The Florida Panther Recovery Team (31 de enero de 2006). «Florida Panther Recovery Program (Draft)» (PDF). U.S. Fish and Wildlife Service. Archivado desde el original el 16 de junio de 2007. Consultado el 11 de junio de 2007.The Florida Panther Recovery Team. "Florida Panther Recovery Program (Draft)" (PDF). U.S. Fish and Wildlife Service. http://www.fws.gov/verobeach/Florida%20panther%20files/Panther%20Recovery%20Plan%202006_01_31%20-%20no%20figures.pdf. Retrieved 11 de junio de 2007.