S (original) (raw)
| SS | ||||
|---|---|---|---|---|
| L'alfabeto aragonés | ||||
| A | B | C | D | E |
| F | G | H | I | J |
| K | L | M | N | Ñ |
| O | P | Q | R | S |
| T | U | V | W | X |
| Y | Z | |||
| Digrafos | ||||
| ch | gu | ix | ll | ny |
| qu | rr | |||
| Atros simbolos | ||||
| Ç | l·l | nn | tz |
A S (ese[1]) ye a vintena letra de l'alfabeto aragonés y deciseisena consonant. Perteneixe tamién a l'alfabeto latino.
L'alfabeto griego occidental emplegau en Cuma fue preso por os etruscos y os latinos en o sieglo VII, desarrollando-se en os sieglos vinients alfabetos italicos como l'alfabeto etrusco y l'alfabeto latino. En l'alfabeto etrusco a valua /s/ d'a letra griega (𐌔) se mantenió pero a letra san (𐌑) representaba un fonema diferent mes pareixiu a la /ʃ/ (transliterada como ś).
L'alfabeto latino primerenco prenió a letra sigma pero no a letra san porque o latín antigo no tiene o fonema /ʃ/. A forma d'a S latina apareixe a partir d'a letra griega Σ con caita d'un d'os 4 trazos d'esta letra. A forma angular d'a S composada por tres trazos existiba como variant d'a letra Σ con cuatro trazos ya en a epigrafía de l'alfabeto griego occidental, y as variants de tres u cuatro trazos ya coexistiban en l'alfabeto etrusco clasico. En atros alfabetos italicos (venetico, lepontico), a letra podeba representar-se como una linia en zig-zag d'entre tres y seis trazos.
A letra italica tamién fue presa en l'alfabeto runico antigo como Sowilō (ᛊ), y apareixio con entre 4 y 8 trazos en as inscripcions runicas mes antigas, reducindo-se a tres trazos (ᛋ) dende o sieglo V tardano, quedando regularment con tres trazos en l'alfabeto runico escandinavo.
En idioma aragonés o grafema representa en todas as posicions a o fonema alveolar fricativo sordo /s/: saso ([’saso]), senera ([se’neɾa]), basa ([’basa]), cusirar ([kusi’ɾar]), simios ([’simjos]), ansa ([’ansa]), molsa ([’molsa]), ensopinar ([ensopi’naɾ]), escusar ([esku’saɾ]), esbarzar ([esβaɾ’θaɾ]).
En aragonés benasqués, por un regular o grafema y o grafema en as secuencias , se pronuncian /s/: fácil ([’fasil]), moceta ([mo’seta]), Cecilia ([se’silja]), parecer ([paɾe’se])
- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
