Ana Sözü | Türkiyedän Gagauziya küülerinä Ramazan yortusunda yardım (original) (raw)
2019-cu yılın Hederlez ayın 21-dä Türkiyenin Türk İşbirlii hem Koordinaţiya Agenstvosu Başkannıın (TİKA) Kişinev TİKA programaların Koordinatorluun hem “Kızıl ay” kuruluşun Ramazan yortusu çerçevesindä iyelicek mal yardımı Gagauziya küülerin yoksul hem fıkaara aylelerinä verildi.
Bu iyecek yardımı daatmak sırası yapıldı Komradın Gençlik Merkezindä, nereyi hepsi Gagauziya küülerindän hem kasabalarından primarlar buyur edildi.
Kısa bir danışma sözündän sora iyelicek mallarınnan dolu kutuları, kardaş payı olarak (herbir küüyä 30 kutu), primarlara verdi Kişinev TİKA programaların Koordinatoru Selda ÖZDENOĞLU. Bu iştä ona yardımcı oldular bu ofisin personalı hem Türkiye “Kızıl ay” kuruluşun temsilcileri.
İyecek malları daatma sırasına geldilär Gagauziyanın geçici Başkanı hem İspolkomun kimi azaları.