الصفحه الرئيسيه (original) (raw)
من ويكيبيديا، الموسوعه الحره
مقاله مختاره
الهندوسيه هى الدين الغالب فى شبه القاره الهنديه ، واحده من اقدم الديانات فى العالم و لسه لحد دلوقتى بيدين بيها حوالى 900 مليون واحد فى العالم. الهندوسيه مجموعة معتقدات و اسلوب حياه ثقافى-اجتماعى اخلاقى و مالهاش مؤسس واحد زى بقية الديانات الابراهيميه اللى بتتنسب لنبى معين او لحد للسيخيه اللى اسسها جورو ناناك ديف او البوذيه اللى اسسها بوذا. ظهرت بدايات الديانه الهندوسيه حوالين وادى نهر السند فى شمال الهند (باكستان دلوقتى) و انهارده بيعتبر 80 % من الشعب الهندى نفسيهم هندوس. بيؤمن الهندوس بروح عالميه خالده اسمها براهمان ، خلقت الكون و لسه لحد دلوقتى موجوده فى كل مكان فى العالم. بيعبد الهندوس كمان عدد كبير من الالهه التانيه اللى بيعتبروهم وسيله للتعبد للاله الاكبر خالق كل شيء براهمان ، من الالهه دى : رام ، شيفا ، لاكشمى ،هانومان. بيعتقد الهندوس ان الحياه عباره عن دورات بتتكرر:الولاده و الموت و بعدين الولاده من تانى و اللى بيتحكم فى الدورات دى مفهموم اسمه الكارما و اللى ممكن تلخيصها فى ان روح الانسان بتمر بكذا حياه و ان التجسد التانى بتاع الروح بيعتمد على ازاى الواحد عاش حياته السابقه اذا كانت خيره و لا شريره. الهندوسيه ما عندهاش كتاب مقدس واحد بس فيها مجموعه كبيره من النصوص الدينيه زى الفيدات (جمع الفيدا) القديمه و اللى فيها تعريف للحقيقه بمعناها الواسع.الفيدات نصوص اوحى بيها الالاه بشكل مباشر للقديسين الاوائل و اتنقلت من جيل لجيل على مدى الالاف السنين بطريقه شفويه. الديانه الهندوسيه مليانه بالاعياد الدينيه من اهم الاعياد دى الديوالى (عيد النور) و الهولى (عيد الربيع و الالوان) .
فى الاخبار
- سلسله من حملات المقاطعه ضد متاجر التجزئه بتتوسع لعدة دول بجنوب شرق اوروبا.
- بكورة القدم الامريكيه، فاز فريق فيلادلفيا ايجلز على كانساس سيتى تشيفز و حقق لقب السوبر بول و اللاعب جالين هيرتس (ف الصوره)، كان افضل لاعب بالمباراه.
- الامام التسعة و اربعين للطائفه النزاريه الاسماعيليه، الآغا خان الرابع، اتوفى بعمر 88 سنه، و خلفه ابنه الآغا خان الخامس.
- اتقتل 11 شخص بحادثة ضرب نار جماعى بمركز تعليم للكبار بمدينة اوربرو، السويد.
- طياره من نوع ليرجيت 55 وقعت و اصطدمت بابنيه و بيوت بفيلادلفيا, الولايات المتحده, و اتسببت بمقتل على القليله 7 اشخاص و اصابة 22 غيرهم.
- طياره وقعت بولاية الوحده بجنوب السودان و سببت مقتل 20 شخص من اصل 21 كانو عليها.
- بعمليه هجوميه مستمره, حركة 23 مارس المدعومه من رواندا سيطرت على جوما, عاصمة مقاطعة كيفو الشماليه بجمهورية الكونجو الديمقراطيه.
- الكسندر لوكاشينكو اتعاد انتخابه رئيس لبيلاروسيا بعد ما منع مرشحين المعارضه.
- قطع اثريه, منها خوذه كوتوفينيشتى, اتسرقت من متحف درينتس باسن, هولندا.
- ميشيل مارتن بقى رئيس وزرا ايرلندا بصفته قائد حكومه ائتلافيه.
كلام بالمصرى
زى الطفل اللى بيجرى لأمه عشان تحضنه بس بتضربه بالألم, كده الخذلان.احمد خالد توفيق