Cladu (original) (raw)

Cladu
categoría taxonómica
taxón
Cambiar los datos en Wikidata

Un cladu[1] (del griegu κλάδος kládos, ‘rama’) ye un grupu d'organismos formáu por un antecesor común y tolos sos descendientes.[2] Tamién se conoz como grupu monofiléticu o grupu natural. Los clados son la unidá fundamental de la cladística, una aproximación moderna a la taxonomía emplegada de forma amplia nos campos biolóxicos.

L'antecesor común d'un cladu pue ser un individu, una población o una especie, tanto si ta esinxida como si sigue viva. Los clados son estructures anidaes: cada ramificación puede contener otres ramificaciones menores, lo que refleja la hestoria evolutiva a midida que les poblaciones se diversifiquen y evolucionen de forma independiente.

Nes últimos décades, l’enfoque cladísticu revolucionó la clasificación biolóxica y reveló rellaciones evolutives insospechaes ente los seres vivos.[3] Poro, cada vez más taxónomos eviten nomar taxones que nun seyan clados, ye dicir, que nun seyan monofiléticos.

Gracies a la bioloxía molecular, la cladística descubrió rellaciones como que los fongos tán más cerca de los animales que de les plantes, que les arquees son fundamentalmente distintes de les bacteries, o que los organismos multicelulares pudieron evolucionar a partir d'arquees.[4]

El conceutu de cladu tamién s’aplica, por analoxía, en campos como la llingüística histórica, pa describir families de llingües que proceden d’una mesma llingua madre.

  1. ↑ Xosé B. Álvarez Álvarez (24 d'abril de 2015). Términos de Bioloxía. Centru de Terminoloxía Asturiana.
  2. ↑ Martin, Elizabeth; Hin, Robert (2008) Oxford University Press: A Dictionary of Biology.
  3. ↑ Palmer, Douglas (2009). University of California Press: Evolution: The Story of Life.
  4. ↑ «Time for a change». Nature 441 (7091): páxs. 289. 2006-05-18. doi:10.1038/441289a. ISSN 1476-4687. PMID 16710401. Bibcode: 2006Natur.441..289P.