Gregor Rostrenenn (original) (raw)

(Adkaset eus Gregor Rostren)

N'ouzer ket anv resis an den a relijion ha geriadurour ar brezhoneg Gregor Rostren (e galleg : Grégoire de Rostrenen), a-wechoù Gregor a Rostrenenn. Krediñ a reer eo bet ganet war-dro 1667 pe 1672 e Perred (Bro-Wened da neuze). Marteze e oa Tangi e anv-bihan pa oa Gregor e anv relijiel evel manac'h frañsezat. Mervel a reas e kouent Rosko e 1750. Ur yezhour eus ar re bouezusañ en istor ar brezhoneg eo bet. Ur prezegenner relijiel eo bet ivez.

Kemer a reas sae ar frañsezidi e 1691 ha mont a reas da chom da gouent ar Groazig, e Bro-Naoned.

Daou levr gallek en deus savet Gregor a Rostrenenn war ar brezhoneg :

• Dictionnaire François-Celtique ou François-breton necessaire à tous ceux qui veulent apprendre à traduire le François en celtique ou en langage breton, pour prêcher, catechiser selon les différents dialectes de chaque diocèse, utile et curieux pour s'instruire à fond de la langue breton et pour trouver l'étymologie de plusieurs mots françois et bretons de noms propres de ville/par le P.F. Gregoire de Rostrenen, prêtre et prédicateur capucin. Rennes : Vatar, 1732. In-quarto. Adembannet e 1795 gant Fournier e Brest hag e 1834 gant B. Jollivet e Gwengamp. 2 levrenn. (Geriadur Gregor 1732 el lec'hienn Gallica)
• Grammaire Françoise-Celtique ou Françoise-Bretonne qui contient tout ce qui est nécessaire pour apprendre par les Règles la langue celtique ou bretonne,/ par le R.P. Gregoire de Rostrenen, prêtre et prédicateur capucin. Roazhon : Vatar, 1738. In-12 : XVI-192 p.
  • Adembannadur gant Loeiz Moulleg hag Al Lanv, 2008.
• Hervez Daniel Miorcec de Kerdanet eo gantañ e vije bet skrivet an Exerciçoù spirituel eus ar vuhez kristen evit ar Mission. Brest : Malassis, 1767.