diwezhat - Wikeriadur (original) (raw)

Ur pennad eus ar Wikeriadur, ar geriadur liesyezhek frank a wirioù.

Brezhoneg

Etimologiezh

Savet diwar ar ger « diwezh » hag al lostger « -at ».

Adverb

diwezhat /diˈɥeː(z)at/

1. Na ober un dra bennak ( dihuniñ, sevel) abred.
   • Sevel diwezhat
   • Re ziwezhat eo da harz
     Pa vez aet ar beg e-barzh.[1]

Anv-gwan

diwezhat /diˈɥeː(z)at/; ken diwezhat.

1. Bezañ diwezhat : bezañ war-lerc'h an eur.
   • Deomp d'ar gêr, arru eo diwezhat. — (Jules Gros, Le trésor du breton parlé Deuxième Partie, 1970, p. 126.)
   • Deomp atav, evit c'hoazh n'eo ket diwezhat, hag amzer am eus da frikotañ un tammig ha d'ober va zro a-raok ar pardaez. — (Klaoda ar Prad, An teir c'had ; Ar mevel laer, Ti-moulerezh Sant-Gwilherm, Sant-Brieg, 1908, p. 6.)
   • Koulskoude e oa, hep douetañs ebet, sklerijenn wenn al loar, peogwir ne oa goulou ebet er-maez d'an eur diwezhat-se, tost ma oa da hanternoz. — (Jakez Riou, An Ti Satanazet, Skridoù Breizh, 1944, p. 51.)
   • Unanigoù a oa chomet diwezhat. Brezhoneg ar Skorv 142
2. Bezañ diwezhat da ober un dra, oc'h ober un dra.
3. Chom diwezhat (da ober un dra)
   • Pa adtaol un den da gousket e chom diwezhat. TBP 2/13
4. Bezañ diwezhat : na vezañ fin.
   • Yann a zo un tammig diwezhatoc'h ivez. — (Jules Gros, Le trésor du breton parlé Deuxième Partie, 1970, p. 127.)
   • Yann a zo un tamm paotr diwezhat. — (Jules Gros, Le trésor du breton parlé Deuxième Partie, 1970, p. 281.)
   • Pegen diwezhat eo Pipi.[2]
   • − Ba ! Ar paotr-se a zo ken diwezhat ken na dle ket gouzout pegoulz e kan ar goukoug. [...]. — (Fañch an Uhel, Kontadennoù ar Bobl/1, Al Liamm, 1984, p. 271.)
   • Met ken diwezhat ha diskiant ez out, ken n'out mat nemet da ober taolioù fall ha gwalleurioù, — (Fañch an Uhel, Kontadennoù ar Bobl/1, Al Liamm, 1984, p. 272.)
5. Kaout ur spered diwezhat : kaout nebeud a spered.
6. abred pe ziwezhat

Gerioù enepster

• abred

Deveradoù

• diwezhad

• diwezhadoù

• diwezhataat

• diwezhat-bras

• diwezhat-mezh

• gwall ziwezhat

Troidigezhioù

• alamaneg : spät (de)
• bulgareg : късно (bg) (kăsno)
• esperanteg : malfrue (eo)
• galleg : tard (fr)
• gresianeg : αργά (el) (argá)
• ido : tarda (io)
• kembraeg : hwyr (cy)
• nederlandeg : laat (nl)
• saozneg : late (en)
• spagnoleg : tarde (es)

Daveoù

Roll an daveoù :

• [1] : Dave a vank.
• [2] : Prosper Proux.