Хьамзат ибн Ӏабдул-МуттӀалиб (original) (raw)

ХӀара йаззам Википеди чуьра бу — маьрша энциклопеди

Хьамзат ибн Ӏабдул-МуттӀалиб
Ӏаьр. حمزة بن عبد المطلب‎‎
Абу Ӏамарат, Абу ЯӀла, асадуллахӀ ва асад расулихӀ, саййидуш-шухӀадаъ
Говзалла таллархо, йаздархо, баьчча
Вина терахь 568
Вина меттиг Макка
Кхелхина терахь 625 шеран 22 март({{padleft:625|4
Кхелхина меттиг Ухьуд, Мадийнат
ДӀавоьллина меттиг Ухьуд лам
Къам, некъе хӀашимхой, къурайш, Ӏаьрбий
Да Ӏабдул-МуттӀалиб ибн ХӀашим
Нана ХӀалат бинт ВахӀб
Зуда Салма бинт Умайс
Бераш ЯӀла, Ӏамир, Ӏамарат, Умамат
Динлелор ислам
ТӀеман гӀуллакх
ТӀемаш Бадруна гӀазотХьамзатан а, Ӏабдул МуттӀелипан а походУхьудан гIазот[1]

Хьамзат ибн Ӏабдул-МуттӀалиб аль-ХӀа̄шими аль-Къурашӣ (Ӏаьр. حَمْزَةُ بْنُ عَبْدِ الْمُطَّلِبِ الهَاشِمِي القُرَشِيُّ‎‎; 568, Макка[1][2] — 625 шеран 22 март, Ухьуд лам) — иза Мухьаммад пайхамаран ﷺ жимах волу деваша а, цуьнан асхьабех цхьа сахьаби а, цуьнан бакхийначу вежарех цхьаъ а, цуьнан вейтта визирех цхьаъ а ву. Мухьаммадан ﷺ девежарех тӀехдиканиг а ву иза, цо аьлла: «Сан вежарех диканиг — Ӏалий ву, ткъа девежарех диканиг — Хьамзат ву»[3][4]. Мухьаммадал ﷺ ши шо воккха хилла иза. Цуьнан нана ХӀалат бинт ВухӀайб, Мухьаммадан ﷺ ненан Аминат бинт ВахӀбан девешин йоӀ хилла.

Хьамзат къурайшин йукъахь уггаре чӀогӀа онда стаг вара. Иштта таллархо а вара иза. «Делан лом» — аьлла цӀе тиллира цунна. МостагӀех хьулвелла Къаф лам тӀехь Оркам цӀе йолчу шен асхьабан хӀусамехь хилла Мухьаммад пайхамар ﷺ. Цигахь иза, сийсазвеш, лаза а веш, цунна дов дина Абу ДжаьхӀала. Иза хиина Мухьаммадан девешина Хьамзатана, талла ваханчуьра цӀа вогӀуш. Гулбеллачу нахана йуккъехь ша диначух дозалла деш, иза дӀадуьйцуш лаьтташ Абу-ДжаьхӀль а волуш, озийна Ӏад а долуш веана тӀе хӀоьттина Хьамзат. ТӀекхоччушехь цо коьртах тоьхна Абу ДжаьхӀлана, йоккха чов а йеш. Орцах хьаьдда Абу-ДжаьхӀилан гергарнаш. «Виталаш иза, — аьлла кхеравеллачу Абу ДжаьхӀила, — Хьамзат кӀад ван а дагахь. Ша бакъ долуш, вон лазийна цуьнан вешин кӀант». Ткъа иза ша даран бахьана, Мухьаммада дин хийцар ду, аьлла цо. Хьамзат ша а ца хилла цу хенахь имане веана. Амма шен вешин кӀант лазорна кийра йоьссинчу оьгӀазлоно, кхетамо ца динарг деш, дог хийцина Хьамзатан.

«ТӀаккха со а ца теша-кха шун тӀулгийн деланах. Ницкъ буй шун со цунах тешийта?» — аьлла цо. Цу меттехь дакхайкхина Хьамзата, Дела цхьаъ во ша, шен вешин кӀант Мухьаммад пайхамар хиларца бакъ а во ша, аьлла.

Ухьудан гӀазотехь иза вийнера, Вахьши бин Хьарбас, хӀунда аьлча Ӏутбатан йоӀ ХӀиндо шен да вийна дера, цунах чӀир эцархьама. Ша вийначу меттехь дӀавоьллина ву Хьамзат.

  1. ↑ 1 2 Али-заде А. Хамза ибн Абд аль-Мутталиб // Исламский энциклопедический словарь — М.: Ансар, 2007.
  2. ↑ http://www.islamicthinkers.com/index/index.php?option=com_content&task=view&id=261&Itemid=26
  3. ↑ معرفة الصحابة لأبي نعيم، حَرْفُ الأَلِفِ، مَنِ اسْمُهُ أَنَسٌ، رقم الحديث: 5105
  4. ↑ أسد الغابة، ج3 ص105