香港語言學學會粵語拼音方案 (original) (raw)

香港語言學學會粵語拼音方案hoeng1 gong2 jyu5 jin4 hok6 hok6 wui5 jyut6 jyu5 ping3 jam1 fong1 on3（英文：Linguistic Society of Hong Kong Cantonese Romanization Scheme）[1]，原稱粵語拼音方案[2]:122，簡稱粵拼（Jyutping）[1]或者LSHK粵拼，係粵語嘅一種拉丁拼音方案；由香港語言學學會（LSHK）喺1993年12月制定[2]:122，希望用一套簡單、合理、易學、易用嘅粵語語音轉寫方案，嚟統一社會各界對粵語拼寫嘅混亂情況。語言學會致力推廣粵拼，軟件商同埋網上亦都有基於呢個方案嘅輸入法。

呢套方案目前得到香港教育、電腦中文資訊處理等多方面嘅支持。基於粵拼嘅拼音輸入法亦都發展得相當成熟。除咗香港，台灣同日本亦都有使用呢套方案嘅輸入系統出售，中國大陸都有民間人士據此製作嘅輸入方案。方案得到政府、商界、學界等廣泛認同。[3]

• 香港特區政府嘅中文界面諮詢委員會自從1999年成立開始，就一直用呢套方案作為工作上唯一嘅粵音拼式。[4]佢哋頒佈嘅文件，例如《電腦用漢字粵語拼音表》，都係用呢個方案[5]。
• 《商務新詞典》2009版用呢套方案做粵音注音系統。[3]
• Windows Vista 將「粵拼」預設為其中一種輸入法。[3]
• 香港中文大學人文電算研究中心嘅《粵語審音配詞字庫》[6]、《粵語音韻集成》[7]及《黃錫淩粵音韻彙電子版》[8]都係用呢套方案做預設嘅注音系統。
• 香港中文大學中國語言及文學系嘅《現代標準漢語與粵語對照資料庫》亦係以呢套方案做注音系統。[9]
• 香港中文大學自學中心嘅粵語學習工作坊以佢嚟做注音系統。[10]
• 香港大學中文學院漢語中心，係用呢套方案作為注音系統，教授粵語發音。[11]
• 香港大學教育學院非華語學生中文學習支援計劃，亦用佢做注音系統教導非華語學生學習粵語。[12]
• 「《粵典》計劃」亦都用佢做注音系統。[13][14]
• 香港理工大學中文及雙語學系嘅網上漢字輸入系統，以呢套案為注音系統。[15]
• 香港城市大學翻譯及語言學系設立「粵語拼音資源站」以推廣這方案。[16]並推行這方案以糾正懶音。[17]
• 香港教育學院（今香港教育大學）語言學及現代語言系嘅《香港二十世紀中期粵語語料庫》用此方案作為注音系統。[18]
• 香港教育大學語言學及現代語言系嘅粵語自學平台[19]，亦都採用粵拼。負責粵語自學平台嘅片岡新教授表示，好多學者都認為粵拼係最好嘅方案，網上資源又比較多，學生學識粵拼後，自己打字都好方便。[20]
• 粵音朗讀測試採用呢個方案爲各篇香港中文同粵文篇章標註發音，畀應考者備試時參考[21][22]。
• 《欽州白話》採用按欽州白話音系增改過嘅粵拼作為注音系統[23]。

粵拼嘅拼音字母由拉丁字母 a 至 z 組成，其中 q、r、v、x 唔會用。字調就以阿拉伯數字 1 至 6 標示。

總共19個，如下表所示：

粵拼聲母表

總共9個，如下表所示：

粵拼韻腹表

總共8個，如下表所示：

粵拼韻尾表

韻腹加韻尾組成粵拼嘅**韻母**，1993年原方案總共56個[24]，2018年新增兩個，去到58個[1]：

（方括號內為國際音標，所有例字都淨係取其韻母）

韻母表

• 掉、舔、夾係口頭語音，唔存在喺傳統讀書音入面。
• 韻母 a 同 oet 係 2018年新增嘅韻母[25]。

總共兩個，有：m（唔）、ng（吳、五），係單獨存在嘅鼻音音節。除咗 h ，佢哋唔同其他輔音組成音節。

聲調以阿拉伯數字 1 至 6 標示喺每個音節嘅拼音後面，聲調嘅數字唔使用上標標示：

聲調表

• 實際上高陰入、低陰入、陽入聲調嘅音高，同陰平(1)、陰去(3)、陽去(6)係一樣嘅，呢啲入聲調用韻尾 -p、-t、-k 嚟區分。傳統聲調嘅定義，包括抑揚性（即係實際音高）同頓挫性。而入聲韻尾 -p、-t、-k 正正係影響咗頓挫性。所以粵語有「九聲六調」，標調時可以淨係計實際音高，用1至6六個數字，入聲睇韻尾字母區分就得。

粵拼嘅優點係只用22個拉丁字母同埋6個阿拉伯數目字，所以方便輸入同印刷，亦會易學啲。

Cantodict 等粵語詞典所用嘅粵拼同標準粵拼方案有少少唔同，包括：

1. 表示聲調嘅數字用上標表示，而標準粵拼方案唔用上標；
2. 用星號表示轉調，例如「咁大gam3 daai6」，「咁大gam3 daai6*1」，「咁大gam3 daai6*2」。

大多數粵語音素，粵拼同教育學院拼音方案一致。例外嘅有：

• 粵拼分別用 eo 同 oe 表示 /ɵ/ 同 /œː/，而教院拼音就用 oe 同時表示呢兩個元音。
• 粵拼用 eoi 表示 /ɵy/ ，而教院拼音就用 oey 。
• 粵拼用 z 表示 /ts/，而教院拼音就用 dz 。
• 粵拼用 c 表示 /tsʰ/，而教院拼音就用 ts 。
• 粵拼用 yu 表示 /y/，而教院拼音就用 y 。
• 粵拼有三個韻母：eu /ɛːu/、em /ɛːm/ 同埋 ep /ɛːp̚/。呢三個韻母係用嚟表示粵語口語之中一啲字嘅讀音，例如 _deu6_（掉）、_lem2_（舔）同埋 gep6_（夾）。教院拼音本身冇呢三個韻母，不過可以類推出嚟，直接補上 eu 、_em 同 ep 三個韻母。
• 粵拼表示聲調嘅數字唔使上標，而教院拼音表示聲調嘅數字預設係上標。高陰入、低陰入、陽入聲三個聲調，粵拼用 1、3、6，教院拼音用 7、8、9。

大多數粵語音素，粵拼同耶魯粵語拼音用同一拉丁字母表示。例外嘅有：

• 粵拼用 eo 同 oe 表示 /ɵ/ 同 /œː/，而耶魯拼音就用 eu 同時表示呢兩個元音。
• 粵拼用 j 表示 /j/，而耶魯拼音就用 _y_。
• 粵拼用 z 表示 /ts/，而耶魯拼音就用 j 。
• 粵拼用 c 表示 /tsʰ/，而耶魯拼音就用 ch 。
• 如果韻母 yu 前面冇聲母，粵拼要加聲母 j 喺 yu 之前，而耶魯拼音唔需要喺 yu 之前加聲母。
• 粵拼有三個韻母：eu /ɛːu/、em /ɛːm/ 同埋 ep /ɛːp̚/。呢三個韻母係用嚟表示粵語口語之中一啲字嘅讀音，例如 _deu6_（掉）、_lem2_（舔）同埋 _gep6_（夾）。耶魯拼音冇呢三個韻母，而且冇辦法類推出嚟粵拼嘅eu，因為耶魯拼音嘅 eu 已經用咗嚟表示 /ɵ/ 同 /œː/ 呢兩個元音。
• 粵拼用數字表示聲調，而耶魯拼音就用字母上嘅附加符號同埋 h 字母表示。
• 粵拼新增咗韻母 a 同 oet 兩個韻母，耶魯未有單獨成韻嘅 a ，而且冇辦法標 oet 韻母，因為耶魯用 eu 表示 oe 同 eo ，但係 eut 已經用咗嚟標 eot 韻母。
• 廣東話拼音
• 粵文拉丁化
• 書法字國語
• 香港語言學學會 粵拼網站
• 粵語計算語言學基礎建設組 粵拼網站
• 中文字元資料頁 粵語拼盤
• 香港理工大學 粵拼網上教室
• 香港城市大學 粵語拼音資源站
• 大型 crowd-sourcing 香港粵語（廣東話）辭典計劃《粵典》
• 粵拼發音指南
• MDBG free online Chinese-English dictionary（同時使用粵拼同埋耶魯粵語拼音）
• Mac OS X 用嘅粵拼輸入法（plug-in）
• 廣東話拼音輸入法（支持以「粵拼」等四種粵語拼音方案）
• 小狼毫輸入法引擎可以用粵拼輸入中文
• TypeDuck 粵拼輸入法

1. ↑ 1.0 1.1 1.2 香港語言學學會。〈Jyutping 粵拼〉。lshk (英文、香港中文)。原著喺2021-01-06歸檔。喺2019-12-16搵到。
2. ↑ 2.0 2.1 池田巧 (1995年3月31日)。〈香港言語学会の≪粤語拼音方案≫について〉。《山梨県立女子短期大学紀要》 (日文)。28: 121–140。喺2024年8月2號搵到。
3. ↑ 3.0 3.1 3.2 〈粵語的粵拼和IPA〉。明報。2010-04-22。
4. ↑ 張群顯 (2014–01)。〈蔚為大觀的粵拼網上資源〉 (PDF)。《中國語文通訊》。93 (1): 1–7。{{[cite journal](/wiki/Template:Cite%5Fjournal "Template:Cite journal")}}: CS1 maint: date format (link)
5. ↑ 陸勤教授（香港理工大學）、張群顯博士（香港理工大學）、香港語言學學會粵拼小組。〈電腦用漢字粵語拼音表〉。
6. ↑ 〈粵語審音配詞字庫〉。人文電算研究中心。
7. ↑ 〈粵語音韻集成〉。人文電算研究中心。原著喺2019年2月24號歸檔。喺2019年4月13號搵到。
8. ↑ 〈黃錫淩粵音韻彙電子版〉。人文電算研究中心。
9. ↑ 〈現代標準漢語與粵語對照資料庫〉。香港中文大學中國語言及文學系。
10. ↑ 〈輕輕鬆鬆學粵語〉 (PDF)。香港中文大學自學中心。
11. ↑ 〈CantoSounds 簡介會及工作坊〉 (PDF)。香港大學中文學院漢語中心。原著 (PDF)喺2018年9月18號歸檔。喺2019年4月13號搵到。
12. ↑ 戴忠沛。〈如何利用粵語拼音教導非華語學生學習基礎粵語〉。香港大學教育學院。原著喺2020年12月24號歸檔。喺2019年4月13號搵到。
13. ↑ 黃浚煒 (2016-11-30)。〈490個義工合力編著粵語辭典，保存本土語言〉。端傳媒。
14. ↑ 劉擇明。〈《粵典》〉。
15. ↑ 張小衡。〈全衡2007〉 (PDF)。香港理工大學中文及雙語學系。原著 (PDF)喺2018-09-18歸檔。喺2019-04-13搵到。
16. ↑ 〈粵語拼音資源站〉。香港城市大學]]翻譯及語言學系。
17. ↑ 〈城大推粵語標準糾正懶音〉。蘋果日報。2005-10-09。原著喺2019-05-02歸檔。喺2019-04-13搵到。
18. ↑ 〈香港二十世紀中期粵語語料庫〉。香港教育學院語言學及現代語言系。2012-03-17。原著喺2018-09-24歸檔。喺2019-04-13搵到。
19. ↑ 香港教育大學粵語自學平台
20. ↑ LML The Education University of Hong Kong：7 粵語自學平台
21. ↑ 〈附件四：粵音朗讀測試粵文篇章列表〉 (PDF)。香港語言學學會粵音朗讀測試。
22. ↑ 〈附件三：粵音朗讀測試香港中文篇章列表〉 (PDF)。香港語言學學會粵音朗讀測試。喺2019-10-03搵到。
23. ↑ 《欽州白話》。欽州市地方誌辦公室。2019。
24. ↑ 〈存档副本〉。原著喺2021年5月15號歸檔。喺2019年4月13號搵到。
25. ↑ LSHK (2018-12-01)。〈Updates of the Jyutping Romanization System（粵拼系統嘅修訂）〉 (PDF)。喺2019-12-16搵到。