Testículo (original) (raw)
Na Galipedia, a Wikipedia en galego.
| Testículo |
|---|
testis  |
Instancia de tipo de órganoclase de entidade anatómica Subclase de gónadaórgano masculinoórgano lobularentidade anatómica particular Parcialmente coincidente con ovotestis (pt)  |
| Características Desenvolvemento male gonad development (en) Homólogo sexual ovario Drenaxe linfática ganglios linfáticos lumbares Irrigado por Arteria testicularis Drenado por veia testicular (pt) |
| HistoriaQ1200520 |
| Códigos e identificadoresMeSHD013737 Thesaurus do NCIC12412 TA 98A09.3.01.001CIE-111002532547 OpenAlexC2779066085 e C2910828845 |
Fontes e ligazóns Descrito pola fonte Anatomía de Gray (20ª edición) pp. 1236 Enciclopedia soviética armenia, volume 1 pp. 327 Dicionario Enciclopédico Brockhaus e Efron "Q24467952 "Dicionario Enciclopédico Granat "Q107721974 "Dicionario Enciclopédico Brockhaus e Efron "Q24493644 "Enciclopedia de Otto "Varle"Dicionario enciclopédico de escritorio "Q86852327 "Pequena enciclopedia soviética "Q87326111 "  |
| Wikidata C:Commons |
Corte transverso dun testículo
Os testículos son cada unha das dúas gónadas masculinas, produtoras dos espermatozoides e das hormonas sexuais masculinas (testosterona). Son os órganos glandulares que forman a parte máis importante do aparato reprodutor masculino.
Situación; os testículos están situados baixo do pene, entre as dúas coxas, por diante do perineo. Están envoltos por un conxunto de cubertas con forma de bolsa, chamada escroto. As dúas gónadas non ocupan o mesmo nivel, xa que na maioría dos homes o testículo esquerdo baixa un pouco máis que o dereito. Están suspendidos do seu extremo inferior polo cordón espermático e están desprovistos de adherencias na maior parte da súa superficie exterior, polo que resultan moi móbiles en todos os sensos.
Migración dos testículos: no home, como no resto de mamíferos, os testículos proceden do interior da cavidade abdominal, a dereita e esquerda da columna lumbar, ao lado dos riles. No terceiro mes do desenvolvemento fetal, os testículos abandonan esta rexión e descenden polo conduto inguinal, atravesando a parede abdominal, arrastrando consigo as bolsas que os envolven ata a súa posición definitiva. O descenso incompleto dos testículos chámase criptorquidia.
Número: os testículos son dous, un no lado dereito e outro no lado esquerdo. Anormalmente pode existir un só testículo por ausencia de desenvolvemento do outro. Cando tamén falta o epidídimo e o conduto deferente, chámase monorquidia; cando faltan os dous testículos chámase anorquidia.
Tamaño: nos cativos o tamaño dos testículos é relativamente pequeno (de 1 a 2 cm de lonxitude). Na puberdade e ata a adolescencia crecen ata alcanzar entre 3 e 6 cm de lonxitude e entre 2 e 3 cm de ancho. Este tamaño consérvase máis ou menos estable durante toda a vida, aínda que ás veces se percibe unha lixeira atrofia na vellez ou un lixeiro aumento de tamaño debido ao consumo de esteroides. O tamaño desmesurado dos testículos débese na maioría das ocasións a unha hidrocele (acumulación de líquido na túnica serosa do testículo).
Cor, forma e consistencia: os testículos son de cor branca azulada, ás veces vermella cando están cheos de sangue. Esta coloración débese ás bolsas que os envolven. O testículo ten forma ovoide achairado en senso transversal. Ten unha consistencia dura e algo elástica debido á capa fibrosa que o rodea.
Albuxínea: é unha capa fibrosa de tecido conxuntivo que envolve ao testículo e ao epidídimo.
Túbulos seminíferos: son os condutos produtores do esperma.
Condutos excretorios do esperma: o esperma ao saír dos túbulos seminíferos pasa por:
- Condutos rectos
- Rede de Haller
- Conos eferentes
- Epidídimo
Bolsas dos testiculos
Son un conxunto de cubertas que rodean aos testículos; de dentro a fóra son:
Escroto: é a pel que envolve ao resto de estruturas testiculares. Acostuma ter pelo con folículos pilosos moi profundos e glándulas sebáceas abundantes.
Dartos: é un músculo fino adherido ao escroto.
Túnica celulosa
Túnica fibrosa
Túnica vaxinal
Arterias: os testículos están irrigados polas arterias espermáticas, a arteria deferente e a arteria funicular.
Veas: están drenados polas veas espermáticas. Cando se obstrúen producen o varicocele.