Curiosidade (original) (raw)

Na Galipedia, a Wikipedia en galego.

Curiosidade
ImaxeGrupo de nenos e nenas curiosos arredor da fotógrafa Toni Frissell, ollando para a súa cámara.
Instancia de desexo Editar o valor en Wikidata Subclase de desexotrazo de personalidadeinterese Editar o valor en Wikidata Parte de terminoloxía de psicoloxía Editar o valor en Wikidata Aspecto de psicoloxía Editar o valor en Wikidata Causa de aprendizaxeexploracióninvestigación Editar o valor en Wikidata
Códigos e identificadoresFreebase/m/043zsw Editar o valor en WikidataOpenAlexC33435437 Editar o valor en Wikidata
Wikidata C:Commons

Michiño curioso.

A curiosidade[1] é calquera comportamento inquisitivo natural, evidente pola observación en moitas especies animais, e é o aspecto emocional en seres vivos que procrea a exploración, a investigación, e a aprendizaxe.

Esencialmente, a curiosidade é un termo que describe un número descoñecido de mecanismos do comportamento psicolóxico que teñen o efecto de impulsar ó seres a buscar a información e a interacción co seu ambiente natural e con outros seres na súa veciñanza.

A curiosidade é sobre todo un instinto natural; a curiosidade confire unha vantaxe da supervivencia a certas especies, e pódese atopar nos seus xenomas.

A curiosidade é común ós seres humanos en todas as idades, da infancia á vellez, e é doado de observar en moitas outras especies animais. Estas inclúen monos, gatos, peixes, réptiles e insectos; así como moitos outros. Moitos aspectos da exploración son compartidos entre todos os seres, como as especies terrestres que comparten similares aspectos: tamaño limitado e unha necesidade de buscar fontes de alimento.

A curiosidade forte é a motivación principal de científicos famosos. De feito, é principalmente a curiosidade a que fai a un ser humano experto en certo campo do coñecemento.

Moitas figuras históricas famosas foron afectadas fortemente pola curiosidade, para explorar e para conquistar, por exemplo, Cristovo Colón, Vasco Núñez de Balboa, Fernão de Magalhães, Francisco Vázquez de Coronado ou Francis Drake entre outros.

Aínda que os seres humanos ás veces son considerados particularmente moi curiosos, ás veces parecen perder a obviedade cando son comparados con outros animais. O que parece suceder é esa curiosidade humana combinada coa capacidade de pensar dun xeito abstracto, conducir á mímese, á fantasía e á imaxinación, eventualmente conducindo a un xeito especialmente humano do pensamento (razón humana), que é abstracto e consciente.

Unha curiosidade mórbida é unha obriga, fixada co entusiasmo e o medo, para saber sobre asuntos macabros, tales como a morte e a violencia horrible. Nunha forma máis suave, con todo, isto pódese entender como unha forma catártica de comportamento ou como algo instintivo dentro dos seres humanos. Segundo Aristóteles, na súa Poética ata "gozamos ó contemplar das imaxes máis exactas das cousas que vistas énos doloroso". (Este aspecto da nosa natureza refírese acotío como "síndrome do accidente de tránsito" ou "síndrome de Trainwreck", derivado da inhabilidade notoria dos traseúntes de non facer caso de tales accidentes).

  1. ↑ Definicións no Dicionario da Real Academia Galega e no Portal das Palabras para curiosidade.