costela - Wiktionary (original) (raw)

do Galizionario, dicionario galego na Internet.

Galego

• Etimoloxía: do latín costa(m), "lado"

Substantivo feminino

costela

Conxunto das costelas humanas (vista posterior)

1. (Anatomía) Cada un dos ósos longos e combados que forman a caixa torácica que protexe pulmóns e corazón.
   • Sinónimos: arco do peito, pau.
   • Exemplo: A consecuencia do accidente rompeu un brazo e dúas costelas.
   • Termos relacionados: costal, costas, costelar, costeleiro, costela moumiña, conta-las costelas, medi-las costelas.
2. Por extensión, rexión das costas.
   • Exemplo: Por lacazán, levou unha manta de paus nas costelas.
3. (Alimentación) Peza de carne procedente da musculatura que rodea as costelas, cunha parte destas.
   • Exemplo: Para comer, temos costela de vitela.
   • Sinónimos: costeleta.
4. Tira de madeira que se utiliza para fabricar cestos, canizos do carro e útiles semellantes.
   • Sinónimos: costrán.
5. (Mariña) Caderna dun barco.
6. Trampa para cazar paxaros.
   • Sinónimos: canistrel, ichó, panterlo, trapela.
7. (Figurado) Esposa, muller dun.
   • Sinónimos: dona, esposa.

Traducións

Portugués

• Etimoloxía: do latín costa(m), "lado"
• Pronuncia: /kuʃ.ˈtɛ.lɐ/ (AFI)

Substantivo feminino

costela (_sg: costela; _pl: costelas)

1. Costela.