Trú (original) (raw)

Úr Wikivitnun, frjálsa tilvitnanasafninu

Tilvitnanir um trú.

• „Trúleysi ógnar mannlegu samfélagi, viðskiptum og stjórnmálum; ótryggð og ótrú ógnar uppeldi barna okkar, sundrar heimilum og fjölskyldum. Valið stendur milli trúar og trúleysis á vettvangi hversdagsins, sem og viðskipta og stjórnmála. Ég er ekki í vafa um að flestir myndu að athuguðu máli velja trúna. Og viðurkenna að þegar allt kemur til alls sé einfaldlega ekkert vit í því að eignast allan heiminn og fyrirgjöra sálu sinni. Eða hvað?“

Karl Sigurbjörnsson í predikuninni „Enn þetta ár er sú leið fær“, flutt í Dómkirkjunni 1. janúar 2003.

• „Ekkert foreldri getur varið barn sitt fyrir ágengni þess ofstækis sem helst sækir að þeim hjörtum og sálum sem ekki hafa fengið næringu trúar, ekki hafa fengið viðmið helgra sagna og helgrar iðkunar og ein megna að hamla gegn áhrifum sálardeyðandi og mannskemmandi guðleysis og vantrúar.“

Karl Sigurbjörnsson í predikuninni „Hvernig manneskja viltu vera“, flutt í Áskirkju 6. mars 2005.

• „Sú hugmynd að trúin eigi að vera undanþegin gríni og gagnrýni — vegna þess að trúakenndir séu á einhvern hátt sambærilegar við kynhneigð eða kynþátt — byggir á massífum misskilningi. Stundum virkar þetta reyndar helst eins og skálkaskjól. Hvar eigum við líka að draga mörkin? Má tala óvirðulega um mormóna? Má gagnrýna Vísindakirkjuna — eða er hún ekki ofsóttur minnihluti? Má segja frá því að Múhammeð kvæntist níu ára stúlku og sagði að trú skyldi boðuð með sverði?“

Egill Helgason, 29. maí 2008