Dɔɔg (original) (raw)

Mɛɛb pʋʋgin bɛɛ ship pʋʋgin, dɔɔg anɛ paalʋ kanɛ ka zanguoma bɛdigʋ lus ka mɔr zaꞌanɔɔr zinꞌig kanɛ dɔlli yit ka kpɛnꞌɛd, bɛɛ ba gbiꞌe zinꞌig siꞌa bas. Zaꞌanɔɔr la dɔlnɛ suori yit bɛɛ kpɛnꞌɛd dɔɔd sieba ni, bɛ dɔlli yit yaŋirin. Li paalʋ la yalim ka nidib nyaŋidi yit ka kpɛnꞌɛd. Li zu'or bɛn, kʋgis banɛ bɛ anina, nɛ dɔɔg la bɛ zinꞌig siꞌa mɛɛb la bɛɛ ship la ni(saŋsiꞌeba ziriga pʋʋgin) paꞌan ban ye ba tʋm tʋʋm siꞌa dɔɔg la pʋʋgin.

Din pinꞌil siꞌem la, ba da pinꞌili bɛ dɔɔdin ka li gaad Minoan cultures pinꞌilig saŋa sa, yʋʋma tusayiꞌ, nɛ kɔbisyi (2200 BC) yaꞌaŋ, ba da lɛɛk titan Akrotiri linɛ bɛ Santorini ka nyɛ ka li paꞌal yɛ dɔɔd da bɛ mɛꞌsieba pʋʋgin.[1][2]

Kʋdimin mɛɛb la sa, dɔɔd bʋʋdi-bʋʋdi da bɛ ka ba siꞌeba an gbɛnꞌɛsig dɔɔd, dʋgʋb dɔɔd, sʋʋb dɔɔd, laꞌad dɔɔd, saam dɔɔd, nɛ dɔɔd banɛ mɔr tʋʋma kɔnꞌɔb-kɔnꞌɔb. Akrotiri linɛ ka ti pian' li yɛla yiiga la, ba da nyɛ dɔɔd ka ba mɛ paꞌali ba taaba zug ka mɛ ban dɔl lɔsia dʋt ka sigid, sʋʋb dɔɔd ka laꞌasiꞌeba bɛɛ anina wan wʋʋ sʋʋb tan laas, ku'onwiins, nɛ dʋʋnim dɔɔd, ka li wʋsa tɔꞌɔŋ nɛ tan kuosuoya banɛ ka ba maali paae ku'omin, ka li mɔr ku'omaꞌasig bʋn nɛ ku'otʋʋlig bʋn.[1] Ancient Rome da mɔr mɛɛb bɛda anina nɛ dɔɔd kɔnꞌɔb-kɔnꞌɔb anina ka dɔɔd la siꞌeba an nidib sʋꞌad zinꞌig siꞌeba sʋʋd. Anasazi nif niꞌɛr saŋa ba mɛ da mɛ dɔbɛda, li siꞌeba an dɔkʋda bɛ North America, nɛ Maya bɛ Central America linɛ da mɔr dɔɔd banɛ ka ba mɛ tituaaa yʋʋma kɔbiga (hundred AD) saŋa. Han dynasty pinꞌilig, China sʋꞌʋlim (na wan wʋʋ wan wʋʋ yʋʋma kɔbisyi, 200 BC)], dɔsʋma bɛda da pinꞌil ya, li kas-kas zinꞌis banɛ ka nidib bɛdigʋ laꞌasid nɛ winpʋꞌʋs dɔɔd; ba da mɛ dɔɔd la bʋʋdi kɔnꞌɔb-kɔnꞌɔb ka mɛ lɛn mɛꞌ dɔsiꞌeb paꞌali ba taaba zug.

Tʋʋma dɔɔd

Ba da mɛ dɔsieba nɛ ye yidim la tʋm tʋʋma ba pʋʋgin, ba siꞌeba an dʋgʋb dɔɔd, diib dɔɔd, nɛ and dɔɔd banɛ ka ba sʋꞌat nyaꞌa ye ba sɛꞌ, ka lin wʋsa da anɛ diib yela dɔɔdi la. Yin tʋʋm dɔɔg bɛɛ zamisig zinꞌig tɔnꞌoe bɛ ka ba digil papaer nam nɛ tʋʋm siꞌeba anina. Ba maan tʋʋma dɔɔd siꞌeba ka li siꞌakid ban ye ba tʋm tʋʋm siꞌa la: dɔɔg kanɛ ka ba sɛnꞌɛd fuud anɛ sɛnꞌɛb maꞌa dɔɔg, laꞌad piꞌesig dɔɔg mɛ anɛ ye ba piꞌesid ka ayɔnid fʋʋda anina.

Dɔɔd siꞌeba tʋʋma anɛ ye ba kɛ ka fʋ nyɛ vʋꞌʋsim ka zinꞌig la mɛ an nyain, ba siꞌeba an dʋʋnim dɔɔg nɛ sʋʋb dɔɔg, ba tɔnꞌoe laꞌasi ba nɛ dɔsieba pʋʋgin, bɛɛ ba dɔɔd kɔnꞌɔb-kɔnꞌɔb. Dɔɔg kanɛ ka sɔꞌ na nyaŋi kpɛnꞌɛ faaen o mɛŋ mɔr dʋ'ʋnim zinꞌigi li pʋʋgin nɛ nuꞌus piꞌer zinꞌig, ka lɛɛ pʋ mɔr sʋʋb dɔɔg anina. Dɔɔd banɛ ka sɔꞌ na nyaŋi kpɛnꞌɛ tiak o mɛŋ ni ka sʋʋb zinꞌig lɛɛ bɛ.

17th, 18th, nɛ 19th centuries ni, banɛ da an kpan'am dim la da mɛɛd dɔbama kɔnꞌɔb-kɔnꞌɔb, ka pʋ laꞌasidi baa. Ba da mɛɛd dʋgʋb dɔɔg nɛ tɔꞌɔŋid ka li bɛɛ di kɔnꞌɔ, bɛɛ zinꞌig kanɛ ka laꞌad kae, bʋgʋm paꞌa ti laꞌaŋ yela, ka tʋʋlig la nɛ nyɔꞌɔs la mɛ pʋ paad zak la pʋʋginɛ tʋʋlig nwadis la saŋa.[3] Bin dɔɔg, titaꞌam da anɛ bangida bibis, ba da mɛɛdi ba nɛ yir la yiŋ lalli sa, ka nyʋʋg nɛ bʋnvʋlnam da kpɛnꞌɛ yaan la.

Laꞌasʋg dɔɔd

Dɔɔd kɔnꞌɔb-kɔnꞌɔb kɛna saŋa kanɛ gaad la, ka ba wʋsa tʋʋma an ye ba sʋŋ ka nidib nyaŋi laꞌasi zinꞌin.

Centuries banɛ gaad la, yaꞌ bɛda da mɔr yiŋ dɔtitada yalima. Dɔbama da yalim nɛ ka laꞌasʋma mɛ bɛ ba pʋʋgin. Dɔban da anɛ nidib babig laꞌasig dɔɔd ka da bɛnɛ nintitada yaan. Dɔkaŋa pʋʋgin, banɛ da mɔr sɔnsig nɛ tɛŋin daan la da siꞌan o anina. Din zuꞌoe la zug, ba da mɔri ba ka nidib bɛdigʋ laꞌasid anina dit ka nʋʋd, bɛɛ ban yis kʋgis la ka yʋʋm yʋʋma waꞌad, bɛɛ ba nwɛꞌɛd ball anina. Yin la zinꞌig siꞌa da bɛ an dɔsʋꞌada, ka yidaan la nɛ o yidim la dɔlli ba zuanami kpɛnꞌɛd anina sɔnꞌsid.

Zinꞌig dɔɔg, bɛɛ yiiŋ dɔɔg da bɛ ye saam zinꞌin anina ka mɛ diꞌem diꞌema anina. Dɔɔg yinne da bɛ an dau la dɔɔg ka ba buon man cave; ka kʋdimin dim da buon cabinet , banɛ bɔɔd ye ba mɔri ba dɔɔdi ba kɔnꞌɔ la. Yaꞌbɛda da mɔr dɔɔd banɛ bɛɛ ba kɔnꞌɔ, ka ban an diꞌema dɔɔd; bama siꞌeba an library, home theater, billiard room, game room, nɛ yʋʋma dɔɔg.

Dɔɔgbɛɛndig

Dɔɔg gbɛɛndig anɛ dɔkanɛ ka gadig bɛɛ sɔŋ bɛ anina, ka di tʋʋm an ye ba kpɛnꞌɛ gbis. Master bedroom mɔr dɔɔd bɛdigʋ di pʋʋgin. Saam dɔɔg anɛ dɔkanɛ bɛɛ tis nɛ saam banɛ na kɛna gbɛnꞌ yela. Nursery anɛ biis dɔɔg gbɛnꞌɛdig. Lin tɔnꞌɔe bɛɛ li kɔnꞌɔ nɛ biis diꞌema dɔɔg, ka ba digil biis diꞌema laꞌad anina.

Dɔɔg gbɛɛndis la mɛ tɔnꞌɔe tiꞌaki lieb tʋʋm siꞌeba dɔɔd. Yaꞌ titada mɔr dɔɔd kɔnꞌɔb-kɔnꞌɔb tʋʋm bama yela, ba siꞌeba an laꞌad yɛɛb dɔɔd ye ba kpɛnꞌɛ anina tiꞌas fuud (dɔbama bʋʋdi bɛ zinꞌis banɛ ka ba kuosid fʋʋd nɛ tʋʋma zinꞌis banɛ ka nidib la na tiꞌas fʋʋd, ka lɛɛ pʋ ye ba gbis anina). Kʋdimin saŋa kanɛ ka ba buon Tudor times la, gbɛnꞌɛm dɔɔg da mɔr dɔbil siꞌa, ye li an sʋꞌak zinꞌig nɛ winsɔsʋg zinꞌig; gbaʋŋ kanɛ mɔr mɛɛb la bɛnɛ laꞌad sʋꞌak zinꞌig.[3]

United Kingdom tɛŋin, yaꞌ bɛdigʋ mɔr dɔbibis ka ba buon box-room (box room bɛɛ boxroom) ka din bɛɛ di kɔnꞌɔ baŋid, ban pɔɔdi gati ba taaba. Dɔɔd bama pɔɔd la zug kɛ ka ba tʋʋma pʋ zuoe, ka ba mɔri li ka li an dɔgbɛnꞌɛdig yinne, bibibis dɔgbɛnꞌɛdis, bɛɛ laꞌad sʋꞌak dɔɔg. Dɔbibis bama siꞌeba tɔnꞌoe an tʋmtʋm kanɛ ka zag la dim nɔg dɔɔg. Pinꞌilig sa, titaꞌam anɛ country houses nɛ suburban houses bɛda ni, di da anɛ ala kɛŋ paae yʋʋma tusir, kɔbiswai nɛ pistanꞌ (1930s) saŋa, Britain, ka box room la yʋꞌʋn da anɛ ye ba sʋꞌa box nam, trunks, portmanteaux, nɛ laꞌad siꞌeba, ka lɛn kaꞌa dɔgbɛnꞌɛda yaꞌasɛ.[4] Ireland tɛŋin, return room anɛ box room kanɛ ka ba mɛꞌ girimbiisi zug nɛ tɛŋin wʋsa, zinꞌig kanɛ dɔlli dʋt la gɔnligir ni nɔɔ.[5][6] Siꞌeba mɛɛd Return rooms la tɔꞌɔŋid yir la ni, ka tʋm tʋʋma kɔnꞌɔb-kɔnꞌɔb anina nwɛn wʋʋ dʋgʋb bɛɛ sʋʋb.[7][8]

Banꞌad dɔɔg anɛ dɔɔg kanɛ bɛɛ li kɔnꞌɔ, saŋa sieba di anɛ biꞌela nwaꞌ ka mɔr garik yinne maꞌa, anina ka yinid yinne yaꞌa bɛnꞌɛd ka ba mɔr o kpɛnꞌɛ ka o kʋ laꞌas o taabinɛ, nɛ wiim la ti bas o.

Dɔɔd banɛ tʋʋma zuoe

Yaꞌ banɛ pɔɔd la nii, dɔɔd bɛdigʋ da mɔri tʋmmid tʋʋma bɛdigʋ. Bedsit, communal apartment, bɛɛ studio apartment pʋʋsin, ba tɔnꞌɔ nɔk dɔɔg titaꞌar yinne tʋm tʋʋma bɛdigʋ di pʋʋgin, yaꞌa kaꞌa sʋʋb dɔɔg nɛ bin dɔɔd la maꞌa kʋ nyaŋ ala. Dɔɔd banɛ ka ba tʋm tʋʋma bɛdigʋ ba pʋʋgin la buudi siꞌeba anɛ great room, dɔɔg kan kpiꞌe nɛ dʋgʋb dɔɔd nɛ diib dɔɔg nɛ vʋꞌʋsim dɔɔg, ka di pʋ mɔr zanguoma lusɛ bɛɛ dɔɔg zaꞌanɔnyaa, ka zinꞌig la an yaliŋa.

Zinꞌisieba, lady's boudoir da laꞌas nɛ pʋꞌab dɔgbɛnꞌɛdig nɛ zinꞌig kanɛ ka on nɛ o zuꞌa nam biꞌela na nyaŋi kpɛꞌɛ anina. Zinꞌig siꞌeba mɛn, boudoir la da anɛ dɔbil ka gbɛɛm dɔɔg la nyaan bɛ.

dɔɔd bani ta'al

Dɔɔta'ada anɛ dɔɔg buudi kanɛ mɔr nid yinne dɔɔgi di pʋʋgin, nid yinne dʋꞌʋnim dɔɔg ka zaꞌanɔɔr bɛɛ anina waꞌae danꞌaŋin.[9] Dʋꞌʋnim dɔɔg la pʋʋg mɔr sʋʋb dɔɔg, nuꞌus piesig zinꞌig nɛ bin dɔɔg. "En-suite" paꞌal ye nid yinne zinꞌig, li kas-kas anɛ li yaꞌa an sakur bil dɔɔg. En-suite rooms banɛ ka sakur biis bɛɛ anina anɛ ye li mɔr paalʋ ka o zamisid ka zinꞌig la mɛ an lamm.[10]

  1. 1 2 "Archaeological Site of Akrotiri". Travel to Santorini: Santorini Island Guide. Marinet Ltd. Retrieved 23 November 2009.
  2. ↑ Oxford Dictionaries (2013)
  3. 1 2 Lane, Megan (2011-04-12). "The story of our rooms". BBC News. Retrieved 2018-07-11.
  4. ↑ Oxford English Dictionary 3rd Ed. (2003)
  5. ↑ Morash, Christopher (2023). "The North Inner City". Dublin: A Writer's City. Cambridge University Press: 142–163. doi:10.1017/9781108917810.008. ISBN 978-1-108-91781-0. Retrieved 17 November 2023.
  6. ↑ "Full Glossary for Dubliners". www.cliffsnotes.com. CliffsNotes. Retrieved 17 November 2023.
  7. ↑ "Housing (Gaeltacht) (Amendment) Bill, 1953—Second Stage. – Dáil Éireann (14th Dáil) – Wednesday, 25 Feb 1953 – Houses of the Oireachtas". www.oireachtas.ie. Houses of the Oireachtas. 25 February 1953. Retrieved 17 November 2023.
  8. ↑ "Building description | Dublin City Council". www.dublincity.ie. 16 March 2023. Retrieved 17 November 2023.
  9. ↑ Sharp, Kay; Walker, Harriet (2003). "A microbiological survey of communal kitchens used by undergraduate students". International Journal of Consumer Studies. 27 (1): 11–16. doi:10.1046/j.1470-6431.2003.00282.x. ISSN 1470-6431.
  10. ↑ Hubbard, Phil (2009-01-01). "Geographies of studentification and purpose-built student accommodation: Leading separate lives?". Environment and Planning A. 41 (8): 1903–1923. Bibcode:2009EnPlA..41.1903H. doi:10.1068/a4149. S2CID 146790480.