Messana (original) (raw)

Wikidata Messana

Messana: insigne

Messana: insigne

Civitas: Italia
Locus: 38°11′37″N 15°33′15″E
Numerus incolarum: 218 786
Zona horaria: UTC+1, UTC+2
Situs interretialis
Nomen officiale: Comune di Messina

Geographia

Superficies: 213.75 chiliometrum quadratum
Regiones urbanae: First Quarter, Second Quarter, Third Quarter, Fourth Quarter, Fifth Quarter, Sixth Quarter
Territoria finitima: Gitala, Monfortis, Rametta, Saponaria, Briosa, Flumen Dionysii, Scaletta

Tabula aut despectus

Messana: situs

Messana: situs

Despectus in Messanam.

Messana[1] (Italiane _Messina; Sicule _Missina; Graece Μεσσήνη) est urbs Italiae et municipium circiter 236 960 incolarum, in regione Sicilia sita et caput Urbis metropolitanae Messanensis. Antiquissima urbs tertia Siciliae, quod ad incolas pertinet, est.

Apud Graecos antiquos urbs appellabatur primum Zancle e verbo Siculo (Ζάγκλη, "falx", ex forma portûs), deinde Messana (Μεσσήνη, vide infra). Medio Aevo urbs aliquando appellabatur Mamertina civitas[2], Mesana[2], Messenia[2], Messyna[2], Nuxina[2], Zanela[2], Zanele[2], Zankle[2], Messena.[3]

Nomen adiectivum antiquum est Messanius. Formae posteriores sunt Messanensis[4] (etiam: Messenensis[5], Messanius[6], Mamertinus.[2]

Messana apud Fretum Siculum sita est.

Zancle a Graecis (in primis Chalcidensibus ac postea Samiis[7]) circiter anno 730 a.C.n. condita est. Circa 494 a.C.n. tyrannus Rheginorum Anaxilaus urbem Zanclen vi cepit atque quia ipse origine Messenius erat[8] nomen eius in Messanam mutavit. Novis enim incolis ex Messenia arcessitis qui tum sub dominatione Lacedaemoniorum duram vitam agebant, urbem velut iterum condidit[9]. Bello Peloponnesiaco Athenienses urbe anno 426 a.C.n. brevi potiti sunt[10] quae iam vere 425 a.C.n. ad Syracusanorum societatem rediit[11]. Eodem anno Messenii a Siculis proelio victi subsequentem oppugnationem Leontinorum et Atheniensium difficile reppulerunt[12]. Anno 264 a.C.n. Mamertini urbem Romanis atque Appio Claudio C.f. Caudici consuli tradiderunt. Primum Bellum Punicum inter Romam et Carthaginem ab hac cessione ortum est. Post hoc bellum Messana civitas libera et foederata a Romanis facta est.

Post finem Imperii Romanii Messana ad Byzantinos et postea ad Arabos pertinuit. Anno 1060 Normanni Messanam ceperunt.

Anno 1548 papa Paulus III bulla nomine "Copiosus in misericordia Dominus" fundationi annuit studii generalis Iesuitarum, ex quo demum fiebat Studiorum Universitas Messanae. Nostra aetate studentium numerus universitatis publicae est ca. 30 milia.

Per multa saecula Messana civitas numerosa erat usque ad annum 1783, quo terrae motus causa omnino deleta est. Anno 1908 alter terrae motus gravis urbem denuo percussit.

Hodie Messana moderna ac nova civitas est, sed non iam habet centrum historicum terrae motus et ruinae secundi belli mundani causa.

Sententia urbis est: Messana Nobile Siciliae Caput

Messana, cum Liparis et Sancta Lucia Melae, sedes episcopalis metropolitana est. Nomen sedis episcopalis Archidioecesis Messanensis-Liparensis-Sanctae Luciae[4] est.

Giampilieri Marina - Giampilieri Superiore - Molino - Altolia - Briga Marina - Briga Superiore - Pezzolo - Ponte Schiavo - Santa Margherita Marina - Santo Stefano di Briga - Santa Margherita - Santo Stefano Medio - Galati Marina - Galati Superiore - Galati Inferiore - Mili San Marco - Mili Marina - Mili San Pietro - Tipoldo - Larderìa - Tremestieri.

Pistonera (Italiane: Pistunina) Zafferìa - Santa Lucia sopra Contesse - Villaggio CEP - Villaggio UNRRA - Contesse - Minissale - San Filippo Inferiore - S. Filippo Superiore.

Rione Taormina - Gazzi - Mangialupi - Rione Aldisio - Rione Ferrovieri - Cannamele - Cumìa Superiore - Cumìa Inferiore - Valle degli Angeli - Santo - Bordonaro - Calorendi - Rione Santo Bordonaro - Palmara - Carrubbara - Monte Santo - Camaro Inferiore - Camaro - Bisconte - Cataratti.

Gonzaga - Montepiselli - Gravitelli - Torre Vittoria - San Raineri - Galletta.

Villaggio Svizzero - Giostra - Basile - Ritiro - Scala Ritiro - San Licandro - Regina Elena - San Michele - SS. Annunziata - Paradiso.

Contemplazione - Pace - S. Agata - Ganzirri - Torre Faro - Capo Peloro - Mortelle - Timpazzi - Casa Bianca - Sperone - Faro Superiore - Curcuraci - Massa San Giovanni - Massa Santa Lucia - Massa San Nicola - Massa San Giorgio - Acqualadrone - Spartà - Castanea delle Furie - Salice - San Saba (Messina) - Rodia - Ortoliuzzo - Gesso.

  1. ↑ Messāna, -ae f. Marcus Tullius Cicero, In Verrem 2.1.27 et passim.
  2. ↑ 2.0 2.1 2.2 2.3 2.4 2.5 2.6 2.7 2.8 J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
  3. ↑ http://www.dizionario-latino.com/dizionario-italiano-latino.php?lemma=MESSINA100
  4. ↑ 4.0 4.1 Cf. "Archidioecesis Messanensis-Liparensis-Sanctae Luciae" e The Hierarchy of the Catholic Church (situs a Davide M. Cheney elaboratus) (Anglice)
  5. ↑ http://www.dizionario-latino.com/dizionario-italiano-latino.php?lemma=MESSINESE100
  6. ↑ http://www.dizionario-latino.com/dizionario-italiano-latino.php?lemma=MESSINESE100
  7. ↑ Herodotus, Erato 22-24 et Polyhymnia 164. Thucydides VI.4.5. Aristoteles, Politica V.3.12.
  8. ↑ Strabo VI.1.6.
  9. ↑ Thucydides VI.4.6. Pausanias IV.23. Cf. F. Corsano, "I Messeni dello strato e Pausania", Parola del passato 1980(195) ː 436-440.
  10. ↑ Thucydides III.90.
  11. ↑ Thucydides IV.1.
  12. ↑ Thucydides IV.24-25.

Capita regionum Italicarum

Capita provinciarum metropoleonque Italiae