Hilaris - Vicicitatio (original) (raw)

Jump to content

• Initium
• 1 Verba allata
  • 1.1 A
  • 1.2 C
  • 1.3 D
  • 1.4 H
  • 1.5 I
  • 1.6 L
  • 1.7 M
  • 1.8 N
  • 1.9 P
  • 1.10 Q
  • 1.11 S
  • 1.12 V
• 2 Vide etiam
• 3 Fontes

hilaris, hilarus

Verba allata

A

• Accipe quaeso, Maxime, et contemplare; bene tam puris et tam piis manibus tuis traditur res consecrata. Em vide, quam facies eius decora et suci palaestrici plena sit, quam hilaris dei vultus, ut decenter utrimque lanugo malis deserpat, ut in capite crispatus capillus sub imo pillei umbraculo appareat, quam lepide super tempora pares pinnulae emineant, quam autem festive circa humeros vestis substricta sit. —Apologia sive Pro se de magia liber Apulei [1]

C

• Comparari autem potest utriusque vita, cum alter tristis sit et sollicitus, qualis esse infitiator ac fraudulentus solet, apud quem non parentium, qui debet, honor est, non educatoris, non praeceptorum, alter laetus, hilaris, occasionem referendae gratiae expectans et ex hoc ipso adfectu gaudium grande percipiens nec quaerens, quomodo decoquat, sed quemadmodum plenius uberiusque respondeat non solum parentibus et amicis, sed humilioribus quoque personis? —De beneficiis Senecae [2]
• Contigit Ausoniae procerum mitissimus aulae

Nerva: licet toto nunc Helicone frui:

Recta fides, hilaris clementia, cauta potestas

Iam redeunt; longi terga dedere metus. —Epigrammata M. Valerii Martialis [3]

D

• De multis quae circa cubiculum dominae stabulant procedunt quattuor candidae columbae et hilaris incessibus picta colla torquentes iugum gemmeum subeunt susceptaque domina laetae subvolant. —Metamorphoseon libri XI Apulei [4]

H

• Hae lacrimae per elisionem cadunt nolentibus nobis; aliae sunt, quibus exitum damus, cum memoria eorum, quos amisimus, retractatur. Et inest quiddam dulce tristitiae, cum occurrunt sermones eorum iucundi, conversatio hilaris, officiosa pietas; tunc oculi velut in gaudio relaxantur. His indulgemus, illis vincimur. —Ad Lucilium epistulae morales Senecae [5]
• Hic homo summae frugalitatis, non minus patrimonii quam corporis diligens, cum me ex consuetudine mane vidisset, cum per totum diem amico graviter adfecto et sine spe iacenti usque in noctem adsedisset, cum hilaris cenasset, genere valitudinis praecipiti arreptus, angina, vix conpressum artatis faucibus spiritum traxit in lucem. —Ad Lucilium epistulae morales Senecae [6]

I

• Iam docebo, quemadmodum intellegas te non esse sapientem. Sapiens ille plenus est gaudio, hilaris et placidus, inconcussus; cum dis ex pari vivit. Nunc ipse te consule; si numquam maestus es, nulla spes animum tuum futuri exspectatione sollicitat, si per dies noctesque par et aequalis animi tenor erecti et placentis sibi est, pervenisti ad humani boni summam. —Ad Lucilium epistulae morales Senecae [7]
• Itaque vel in longinqua pascua marem placet ablegari, vel ad praesepia contineri: eoque tempore, quo vocatur a feminis, roborandus est largo cibo, et appropinquante vere hordeo ervoque saginandus, ut veneri supersit, quantoque fortior inierit, firmiora semina praebeat futurae stirpi. Quidam etiam praecipiunt eodem ritu, quo mulos, admissarium saginare, ut hac sagina hilaris pluribus feminis sufficiat. —De re rustica L. Iunii Moderati Columellae [8]

L

• Lotus nobiscum est, hilaris cenavit, et idem

Inventus mane est mortuus Andragoras.

Tam subitae mortis causam, Faustine, requiris?

In somnis medicum viderat Hermocraten. —Epigrammata M. Valerii Martialis [9]

M

• Macte animi, quem rarus habes, morumque tuorum,

Quos Numa, quos hilaris possit habere Cato.

Largiri, praestare, breves extendere census,

Et dare quae faciles vix tribuere dei,

Nunc licet et fas est. Sed tu sub principe duro

Temporibusque malis ausus es esse bonus. —Epigrammata M. Valerii Martialis [10]

N

• Necessarium est parvo adsuescere: multae difficultates locorum, multae temporum etiam locupletibus et instructis ad voluptatem prohibentes occurrent. Quidquid vult habere nemo potest, illud potest, nolle quod non habet, rebus oblatis hilaris uti. Magna pars libertatis est bene moratus venter et contumeliae patiens. —Ad Lucilium epistulae morales Senecae [11]
• Nescio utros existimem maiorem nobis animum dare, qui deposcunt mortem an qui hilares eam quietique opperiuntur, quoniam illud ex rabie interdum ac repentina indignatione fit, haec ex iudicio certo tranquillitas est. Venit aliquis ad mortem iratus; mortem venientem nemo hilaris excipit, nisi qui se ad illam diu composuerat. —Ad Lucilium epistulae morales Senecae [12]

P

• Postquam finitum est illud Paridis iudicium, Iuno quidem cum Minerva tristes et iratis similes e scaena redeunt, indignationem repulsae gestibus professae, Venus vero gaudens et hilaris laetitiam suam saltando toto cum choro professa est. —Metamorphoseon libri XI Apulei [13]

Q

• Quid mihi prodest scire agellum in partes dividere, si nescio cum fratre dividere? Quid prodest colligere subtiliter pedes iugeri et conprendere etiam si quid decempedam effugit, si tristem me facit vicinus inpotens et aliquid ex meo abradens? Docet quomodo nihil perdam ex finibus meis; at ego discere volo, quomodo totos hilaris amittam. —Ad Lucilium epistulae morales Senecae [14]
• Quod Erotem non sine munusculo exspectare te dicis, gaudeo non fefellisse eam rem opinionem tuam; sed tamen idem σύνταγμα misi ad te retractatius et quidem ἀρχέτυπον ipsum crebris locis inculcatum et refectum. Hunc tu tralatum in macrocollum lege arcano convivis tuis sed, si me amas, hilaris et bene acceptis, ne in me stomachum erumpant cum sint tibi irati. —Epistolae ad Atticum Ciceronis [15]

S

• Sambracena praedicta ante alias hilaris, sed viribus tenuis. in plenum autem probatio est minutis glaebis nec rotundis, in concretu albicantis suci et tabescentis utque fracta candidos ungues habeat, gustu leniter amara. —Naturalis historia Plinii [16]
• Sic velut media vox, quem habitum a nostris acceperit, hunc iudicum animis dabit: est enim mentis index ac totidem quot illa mutationes habet. Itaque laetis in rebus plena et simplex et ipsa quodam modo 'hilaris fluit; at in certamine erecta totis viribus et velut omnibus nervis intenditur. —Institutio oratoria Quintiliani [17]

V

• Verrit, sternit, coquit, tucceta concinnat, adponit scitule, sed praecipue poculis crebris grandibusque singulos ingurgitat. Interdum tamen simulatione promendi quae poscebat usus ad puellam commeabat adsidue, partisque subreptas clanculo et praegustatas a se potiones offerebat hilaris. —Metamorphoseon libri XI Apulei [18]
• Virtutem materia non mutat; nec peiorem facit dura ac difficilis, nec meliorem hilaris et laeta. Necesse est ergo par sit. In utraque enim quod fit, aeque recte fit, aeque prudenter, aeque honeste. Ergo aequalia sunt bona, ultra quae nec hic potest se melius in hoc gaudio gerere nec ille melius in illis cruciatibus. —Ad Lucilium epistulae morales Senecae [19]

Vide etiam

• hilare, hilarē, hilarem, hilarēs, hilarī, hilaria, hilaribus, hilarium
• hilara, hilarā, hilarae, hilaram, hilarārum, hilarās
• hilarō, hilarōrum, hilarōs, hilarum, hilarus
• hilarior, hilarissimus

Fontes

1. ↑ 1.0 1.1 Apuleius - Apologia sive Pro se de magia liber. (Bibliotheca Augustana): Pagina 4. Sectio 63. Versus 7 — hilaris
2. ↑ Lucius Annaeus Seneca - De beneficiis. (The Latin Library): Tomus / Liber 3. 17, versus 4 — hilaris
3. ↑ Marcus Valerius Martialis - Epigrammata. (Universitas Turicensis): Liber duodecimus. V, versus 3 — hilaris
4. ↑ Apuleius - Metamorphoseon libri XI. (Bibliotheca Augustana): Liber VI. Capitulum VI. Versus 2 — hilaris
5. ↑ Lucius Annaeus Seneca - Ad Lucilium epistulae morales. (Universitas Turicensis): Tomus / Liber 15. 99, versus 19 — hilaris
6. ↑ Lucius Annaeus Seneca - Ad Lucilium epistulae morales. (Universitas Turicensis): Tomus / Liber 17. 101, versus 3 — hilaris
7. ↑ Lucius Annaeus Seneca - Ad Lucilium epistulae morales. (Universitas Turicensis): Tomus / Liber 6. 59, versus 14 — hilaris
8. ↑ 8.0 8.1 Lucius Iunius Moderatus Columella - De re rustica - Libri XII. ed. V. Lundström. Anno 1902-1917. (The Latin Library): Liber VI. Caput XXVII. [9] — hilaris
9. ↑ 9.0 9.1 Marcus Valerius Martialis - Epigrammata. (Bibliotheca Augustana): Liber sextus. LIII — hilaris
10. ↑ Marcus Valerius Martialis - Epigrammata. (Universitas Turicensis): Liber duodecimus. III, versus 8 — hilaris
11. ↑ Lucius Annaeus Seneca - Ad Lucilium epistulae morales. (Universitas Turicensis): Tomus / Liber 20. 123, versus 3 — hilaris
12. ↑ 12.0 12.1 Lucius Annaeus Seneca - Ad Lucilium epistulae morales. (The Latin Library): Tomus / Liber 4. 30, versus 12 — hilaris
13. ↑ Apuleius - Metamorphoseon libri XI. (Bibliotheca Augustana): Liber X. Capitulum XXXIV. Versus 1 — hilaris
14. ↑ Lucius Annaeus Seneca - Ad Lucilium epistulae morales. (Universitas Turicensis): Tomus / Liber 11. 88, versus 11 — hilaris
15. ↑ 15.0 15.1 Marcus Tullius Cicero - Epistolae ad Atticum. (The Latin Library): Liber 16. Ep. III. [1] — hilaris
16. ↑ 16.0 16.1 Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber duodecimus, cap. 35, [69] — hilaris
17. ↑ 17.0 17.1 Marcus Fabius Quintilianus, Institutionis oratoriae libri XII. (Teubner, Lipsiae MDCCCLIV). Liber undecimus, 3. p. 63 — hilaris
18. ↑ Apuleius - Metamorphoseon libri XI. (Bibliotheca Augustana): Liber VII. Capitulum XI. Versus 3 — hilaris
19. ↑ Lucius Annaeus Seneca - Ad Lucilium epistulae morales. (Universitas Turicensis): Tomus / Liber 7. 66, versus 15 — hilaris

Categoriae:

• Paginae Latinae cum locis ab Apuleio conscriptis
• Paginae Latinae cum locis a Lucio Annaeo Seneca conscriptis
• Paginae Latinae cum locis a Marco Valerio Martiale conscriptis
• Paginae Latinae cum locis a Lucio Iunio Moderato Columella conscriptis
• Paginae Latinae cum locis a Marco Tullio Cicerone conscriptis
• Paginae Latinae cum locis a Plinio Maiore conscriptis
• Paginae Latinae cum locis a Marco Fabio Quintiliano conscriptis
• Paginae cum fontibus
• Sententiae
• Flexurae