animadverto - Victionarium (original) (raw)

Latine

Appellatio pronuntiatusque

[+/-]

Syllabificatio phonetica: a·ni·mad·ver·tō — morphologica: anim-ad-vert-o

← Latine: animus + advertō (advertere)

animadvert|ō, -ĕre, -ī, animadversum

1. Mentem in rem aliquam intendere, animum ad aliquid attendere
2. Oculis animoque advertere
3. Considerare et notare quidquid minus rectum sit, idque reprehendere

­

• animum advertō

1. Attendere
2. Observare, considerare, cognoscere
3. Reprehendere, castigare, punire

• āvertō, āvertere, āversum, āversiō, āversor

• advertō, advertere, adversum, adversus, aversus, adversiō, adversor

• antevertō, antevertere, anteversum, anteversiō

• circumvertō, circumvertere, circumversum, circumversiō

• contrāversus, contrōversus

• convertō, convertere, conversum, conversus, conversūs, conversiō

• ēvertō, ēvertere, ēversum, ēversus, ēversiō, ēversor

• dēvertō, dēvertere, dēversum, dēversus, dēversor

• dīvertō, dīvertere, dīversus, dīversiō, dīversor (Intransitivē)

• intervertō, intervertere, interversum, interversiō, interversor

• intrōversus

• invertō, invertere, inversum, inversus, inversiō

• obvertō, obvertere, obversum, obversiō, obversor

• pervertō, pervertere, perversum, perversus, perversiō, perversor

• praetervertō, praetervertere

• praevertō, praevertere, praeversum

• (*proverto), prōversus

• retrōvertō, retrōvertere, retrōversum, retrōversus

• revertō, revertere, reversum, reversiō

• subvertō, subvertere, subversum, subversiō, subversor

• trānsvertō, trānsvertere, trānsversum, trānsversus, trāversus, trānsversiō

• ūniversum, ūniversus

• animadversor

• animadversiō

• animadversus, animadversūs masc.

Loci

class. (ca. 30–22 a.C.n.)

• Cum autem animadverto ab indoctis et inperitis tantae disciplinae magnitudinem iactari et ab iis, qui non modo architecturae sed omnino ne fabricae quidem notitiam habent, non possum non laudare patres familiarum eos, qui litteraturae fiducia confirmati per se aedificantes ita iudicant: si inperitis sit committendum, ipsos potius digniores esse ad suam voluntatem quam ad alienam pecuniae consumere summam. —De architectura Vitruvii [1][2]

saec. I.

• Iam reliqui revolutam passimque per totum effusam pavimentum collegerant fabam, orbatique, ut existimo, duce redierant in templum, cum ego praeda simul atque vindicta gaudens post lectum occisum anserem mitto, vulnusque cruris haud altum aceto diluo. Deinde convicium verens, abeundi formavi consilium, collectoque cultu meo ire extra casam coepi. Necdum liberaveram cellulae limen, cum animadverto Oenotheam cum testo ignis pleno venientem. Reduxi igitur gradum proiectaque veste, tanquam expectarem morantem, in aditu steti. —Satyricon T. Petronii Arbitri [3][2]

saec. XVII. (ca. 1628 p.C.n.)

• Ex quibus omnibus insuper animadverto , quomodo per diversas vias eiusdem rei cognitio quaeri possit, quarum una alia longe difficilior et obscurior sit. Ut ad invenienda haec quatuor continue proportionalia, 3, 6, 12, 24, si ex his supponantur duo consequenter, nempe 3 et 6, vel 6 et 12, vel 12 et 24, ut ex illis reliqua inveniantur, res erit factu facillima; tuncque propositionem inveniendam directe examinari dicemus. Si vero supponantur duo alternatim, nempe 3 et 12, vel 6 et 24, ut reliqua inde inveniantur, tunc difficultatem dicemus examinari indirecte primo modo. —Regulae ad directionem ingenii Renati Cartesii [4][2]

Fontes

1. ↑ Lapsus in citando: Invalid <ref> tag; no text was provided for refs named Vitruvius
2. 1 2 3 Lapsus in citando: Invalid <ref> tag; no text was provided for refs named q
3. ↑ Lapsus in citando: Invalid <ref> tag; no text was provided for refs named Petronius
4. ↑ Lapsus in citando: Invalid <ref> tag; no text was provided for refs named Cartesius