nares - Victionarium (original) (raw)

Discretiva

	nares dictio est in variis linguis:

Proprietates grammaticales

[+/-]

Appellatio pronuntiatusque

[+/-]

Syllabificatio phonetica: nā·rēs — morphologica: n-ares

class.

• nam oculi tamquam speculatores altissimum locum optinent, ex quo plurima conspicientes fungantur suo munere; et aures, cum sonum percipere debeant qui natura in sublime fertur, recte in altis corporum partibus collocatae sunt; itemque nares et, quod omnis odor ad supera fertur, recte sursum sunt et, quod cibi et potionis iudicium magnum earum est, non sine causa vicinitatem oris secutae sunt. —De natura deorum Ciceronis [1][2]

class.

• in manibus vero nervi trahere et tremere artus

a pedibusque minutatim succedere frigus

non dubitabat. item ad supremum denique tempus

conpressae nares, nasi primoris acumen

tenve, cavati oculi, cava tempora, frigida pellis

duraque in ore, iacens rictu, frons tenta manebat. —De rerum natura Lucretii [3]

class.

• Advertendum etiam, siqua erunt loca palustria, et propter easdem causas, et quod crescunt animalia quaedam minuta, quae non possunt oculi consequi, et per aera intus in corpus per os ac nares perveniunt atque efficiunt difficilis morbos. —De agricultura Varronis [4][2]

saec. I.

• Deinde nares perfricato, ut hominem discant odorari. Mox etiam convenit tota tergora et tractare et respergere mero, quo familiariores bubulco fiant: uteris quoque et sub femina manum subicere, ne ad eius modi tactum postmodum pavescant, et ut ricini qui plerumque feminibus inhaerent, eximantur. Idque cum fit, a latere domitor stare debet, ne calce contingi possit. —De re rustica L. Iunii Moderati Columellae [5][2]

saec. I.

• Crines ingenio suo flexi per totos se umeros effuderant, frons minima et quae radices capillorum retro flexerat, supercilia usque ad malarum scripturam currentia et rursus confinio luminum paene permixta, oculi clariores stellis extra lunam fulgentibus, nares paululum inflexae et osculum quale Praxiteles habere Dianam credidit. —Satyricon T. Petronii Arbitri [6][2]

saec. I.

• Infra eas hilaritatem risumque indicantes buccae et altior homini tantum, quem novi mores subdolae inrisioni dicavere, nasus. non alii animalium nares eminent: avibus, serpentibus, piscibus foramina tantum ad olfactus sine naribus, et hinc cognomina Simorum, Silonum. septimo mense genitis saepe numero foramina aurium et narium defuere. —Naturalis historia Plinii [7]

Latinitas postclassica

[+/-]

saec. II.

• tum Fabricium planas manus ab auribus ad oculos et infra deinceps ad nares et ad os et ad gulam atque inde porro ad ventrem imum deduxisse et legatis ita respondisse: dum illis omnibus membris quae attigisset obsistere atque imperare posset, numquam quicquam defuturum; propterea se pecuniam qua nihil sibi esset usus ab his quibus eam sciret usui esse non accipere. —Noctes Atticae A. Gellii [8][2]

Latinitas mediaevalis

[+/-]

saec. XII.

• Quod si reuma de naribus equi fluit, ita quod inde tussitat, homo qui eum liberare vult, levisticum accipiat, et modicum minus urentis urticae, et eas in aqua coquat, et deinde de aqua ablatis, fumum earum ita calidum in nares et in os eius freno imposito transire permittat, et sanabitur. —Subtilitates diversarum naturarum creaturum Hildegardis [9]

Latinitas humanistica

[+/-]

saec. XIV.

• Turpe simul et ludicrum esse aliquid non potest. Quis enim in turpitudine ludus est? Quin immo ab omni quod oculos auresque et nares et animum afficiat fugiendum est: corrupti gustus est amara diligere. —De remediis utriusque fortune Petrarcae [10]

saec. XVI.

• Per oculos, os, nares, aures, et per universae carnis, tanquam per unum generalem meatum, poros, praecipui influxus tanquam per radices fiunt, per digitorum vero extremitates, ut ungues atque capillos, spirituum, suis in corpore defunctorum vicibus, tanquam per ramos praecipui fiunt effluxus: subindeque per easdem, per quas fit influxus, partes, minus principaliter efficitur effluxus: et e contra non fit principaliter ingestio per eas, per quas efficitur egestio partes. —De monade numero et figura Iordani Bruni [11][2]

Fontes

1. ↑ Lapsus in citando: Invalid <ref> tag; no text was provided for refs named Cicero
2. 1 2 3 4 5 6 Lapsus in citando: Invalid <ref> tag; no text was provided for refs named q
3. ↑ Titus Lucretius Carus - De rerum natura libri sex. (Teubner, Lipsiae MCMLXIX). Liber sextus, versus 1193 — nares
4. ↑ Lapsus in citando: Invalid <ref> tag; no text was provided for refs named Varro
5. ↑ Lapsus in citando: Invalid <ref> tag; no text was provided for refs named Columella
6. ↑ Lapsus in citando: Invalid <ref> tag; no text was provided for refs named Petronius
7. ↑ Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber undecimus, cap. 59, [158] — nares
8. ↑ Lapsus in citando: Invalid <ref> tag; no text was provided for refs named Gellius
9. ↑ Hildegardis Bingensis - Subtilitates diversarum naturarum creaturum. Patrologia Latina, J.-P. Migne. Parisiis 1882, Tomus CXCVII. (Universitas Turicensis): Liber primus. Cap. CXXXIX. - De Lubestuckel — nares
10. ↑ Franciscus Petrarca (Italice: Francesco Petrarca) - De remediis utriusque fortune. (Universitas Turicensis): Liber I. 61: [De simiis et ludicris animantibus] — nares
11. ↑ Lapsus in citando: Invalid <ref> tag; no text was provided for refs named IordanusBrunus