avanti - Wikizziunariu (original) (raw)

Da Wikizziunariu, lu dizziunariu a cuntinutu lìbbiru.

avànti

1. Ntô spazziu, versu la dirizzioni chi si talìa, unni si sta jennu, o unni si po’ jiri.
   Nun nni firmamu ora, annamu avanti.
2. Ntô tempu, prima chi avveni quarchi autru fattu.
   Tra tri jorna avemu l’esami, avemu a finiri di studiari stu libbru avanti.
3. In ginirali, ntô cuntestu di quarchi cosa chi havi na dirizzioni, cchiù vicinu â parti ca veni prima.
   Vai avanti tu, picchì ju nun sacciu la strata.
   Ntâ màchina assèttiti tu avanti, chi si cchiù grossu.

• [avanti]
• AFN: /avaːnti/

a | vàn | ti

Veni dû latinu ab ante, chi voli diri prima.

prìma

arrèti, apprèssu

avanti singulari o pl, maschili o f

1. Ntô spazziu, chi veni prima di quarchi autra cosa, vali a diri cchiù vicinu a cu parra o a na parti dâ quali si parra.
   Di ddi dui palazzi ca vidi, nta chiddu cchiù avanti sta’ Maria.
2. In ginirali, ntô cuntestu di quarchi cosa chi havi na dirizzioni, chi è cchiù vicinu â parti ca veni prima.
   Affiu nun havi arruvatu ancora, e puru ju pinsava chi era avanti rispettu a nui.

• [avanti]
• AFN: /avaːnti/

a | và | nti

Veni dû latinu ab ante, chi voli diri prima.

arreti, appressu

avànti

1. Ntô tempu, prima chi avveni quarchi autru fattu.
   Avanti ca ritunnamu â casa, la lavatrici finìu e putemu stènniri li robbi.
   Havemu a cunsumari stu latti avanti chi si perdi.

• [avanti]
• AFN: /avaːnti/

a | và | nti

Veni dû latinu ab ante, chi voli diri prima.

prìma

appressu, doppu

avanti

1. Ntô tempu, prima chi avveni quarchi autru fattu.
   Avìa cchiù fami di Nuccia, pi chistu finìa di manciari avanti d’idda.
2. Ntô spazziu taliatu di quarchidunu o, metafuricamenti, di quarchi cosa.
   Li Posti sunnu ntâ piazza, avanti â chiesa.
   Nun s’affruntau a diri sti cosi avanti a mia.

• [avanti]
• AFN: /avaːnti/

a | và | nti

Veni dû latinu ab ante, chi voli diri prima.

apprèssu, arrèti