Arne – Guttenavn. Betydning og bruk – Store norske leksikon (original) (raw)
Arne er eit mannsnamn som går tilbake til det norrøne Arni. Namnet er kortform av namn på Arn-. I norrønt tyder dette forleddet ‘ørn’, til dømes i Arn-finnr.
Namnedag er 4. august. Arna og Arnhild har også namnedag denne dagen.
Personar med namnet Arne
Kulturell bruk
- Forteljinga «Arne» (1859) av Bjørnstjerne Bjørnson. Namnet økte i popularitet i siste halvdel av 1800-talet, truleg som ei følgje av Bjørnsons forteljing.
Kjende personar med namnet Arne
Eit utval personar med namnet Arne, og som er omtalt i Store norske leksikon:
- Arne Garborg (1851–1924)
- Arne Næss (1912–2009)
- Arne Nordheim (1931–2010)
- Arne Fjørtoft (1937)
- Arne Næss jr. (1937–2004)
- Nils Arne Eggen (1941–2022)
- Arne Treholt (1942–2023)
- Arne Strand (1944–2023)
- Arne Brimi (1957)
- Arne Jørgen Olafsen (1960)
- Tor-Arne Hetland (1974)
- John Arne Riise (1980)
Namnestatistikk
I 2022 var det 20 468 menn i Noreg som hadde Arne som det einaste førenamnet eller som det fyrste av fleire, og Arne var blant dei 20 mest brukte namnet blant norske menn. I 2022 var det 19 gutar som fekk namnet Arne.
Utvikling i bruk av namnet
Tostava namn som endar på -e, er ein typisk nordisk namnetype. Frå 1911 til og med 1935 låg Arne som nummer 1 på ranglista. Også det lydlike Anne låg i mange år som nummer 1 (frå 1939 til og med 1981, bortsett frå nokre få år som nummer 2 innanfor denne perioden). Døme på andre tostava namn på -e med toppfase omtrent samtidig med Arne er Bjarne, Kåre, Magne og Sverre. I den fyrste stigningsfasen kan populariteten for Arne vere påverka av den nasjonalromantiske forteljinga «Arne» (1859) av Bjørnson.
Geografisk variasjon på 1800-talet
Arne var klart mest brukt i Hedmark.
Arne var klart mest brukt i Hedmark.
