Bei Jiang – Store norske leksikon (original) (raw)

Faktaboks

Bei Jiang

北江, Běijiāng

Bei Jiang (Nordelva) er ei elv i Sør-Kina, Guangdongprovinsen, og ein del av elvesystemet Zhu Jiang (Perleelva).

Elva blir danna ved samanløpet av Wu Shui og Zhen Shui, og går saman med sidegreiner av Xi Jiang vest for Guangzhou, og endar via utløpa Hongqi Men og Jiao Men i (Perleelv-munninga). Medrekna Zhen Shui er elva 468 kilometer lang. Nedbørsfeltet er på 48 000 kvadratkilometer. Bei Jiang har i fleire hundre år vore viktig for elvetransporten mellom Sør- og Nord-Kina.