Enver pasja – Store norske leksikon (original) (raw)
Faktaboks
Enver pasja
Enver Paşa, Enver Pasha
Enver efendi, Enver bey
opprinnelig Ismail Enver, med tilnavn pasja
Fødd
22. november 1881, Konstantinopel, Det osmanske riket (nå Istanbul, Tyrkia)
Død
4. august 1922, Baldzhuan, Turkestan (nå Tadsjikistan)
Enver pasja leia den ungtyrkiske revolusjonen i Det osmanske riket i 1908.
Enver pasja var ein tyrkisk offiser og politikar. Han var leiar av den ungtyrkiske revolusjonen i Det osmanske riket (Tyrkia) i 1908.
Enver vart krigsminister i 1914 og sette gjennom tyrkisk deltaking i første verdskrig på tysk side. Som «vice-generalissimo» leidde han dei militære operasjonane til han i 1918 måtte flykte til Tyskland. Han flytta sidan til Russland og samarbeidde til 1921 med bolsjevikane. Deretter drog han til Uzbekistan og fall der i kamp under eit antikommunistisk opprør han hadde starta blant uzbekarane i Bukhara.