Frekhaug – Store norske leksikon (original) (raw)
Faktaboks
Innbyggjartal
3419 (SSB, 2023)
Landareal
1,7 km²
5321 Frekhaug
Frekhaug er ein tettstad i Alver kommune i Vestland. Tettstaden er ifølgje SSBs definisjon 1,7 km², og har 3419 innbyggjarar (2023).
Frekhaug ligg lengst søraust på Holsnøy. Frekhaug var administrasjonssenter i den tidlegare kommunen Meland.
I Frekhaug er det variert industri, som til dømes stålstøperi. I tettstaden ligg dessutan Nordhordland folkehøgskule, som er den største folkehøgskulen i landet. Frekhaug har fastlandssamband via Krossnessundbrua på fylkesveg 564 til Flatøy like nord for tettstaden, og herfrå går E39 via Nordhordlandsbrua vidare sørover til Bergen.
Namnet. Første ledd av namnet Frekhaug er kanskje eit bortkommet elvenamn, Freka (av norrønt frek, 'grådig, streng').