Helga – Jentenavn. Betydning og bruk – Store norske leksikon (original) (raw)
Helga er eit kvinnenamn som har same form i dag som i norrønt. Det tyder ‘den heilage’.
Det russiske Olga kjem av Helga.
Namnet har fleire variantar: Hege, Helga, Helje, Hella, Hæge.
Namnedag er 30. september. Hege og Helge har også namnedag denne dagen.
Personar med namnet Helga
Kulturell bruk
- Helga den fagre i «Gunnlaug Ormstunges saga» er kona til Hrafn. Ho er ei heltinne som Gunnlaug aldri får.
Kjende personar med namnet Helga
Namnestatistikk
I 2022 var det 3 038 kvinner i Noreg som hadde Helga som det einaste førenamnet eller som det fyrste av fleire. I 2022 var det 6 jenter som fekk namnet Helga.
Utvikling i bruk av namnet
Helga er blant dei tostava namna på -a som nådde toppen på slutten av 1800-talet, og namnet var nummer 9 på ranglista 1885–1889. Andre døme på namn med omtrent same toppfase er Arna, Berta, Erna, Gerda, Magda, Olga og Ragna. I motsetning til for eksempel Emma, Ella, Ebba, Laura og Klara fekk ikkje namna i den fyrste gruppa ein ny topp rundt år 2000. Dette kan mellom anna ha samanheng med at dei har ein meir komplisert konsonantstruktur i innlyd – jamfør [lg] i Helga med [r] i Klara.
Geografisk variasjon på 1800-talet
Helga var mest brukt i Akershus og Kristiania.
Helga var mest brukt i Akershus og Kristiania.
