Herøysund – Store norske leksikon (original) (raw)

Faktaboks

Innbyggjartal

534 (SSB, 2023)

Landareal

0,5 km²

Tettstadsnummer

5076 Herøysund

Herøysund er ein tettstad i Kvinnherad kommune i Vestland. Tettstaden er ifølgje SSBs definisjon 0,5 km², og har 534 innbyggjarar (2023).

Herøysund ligg ved Hardangerfjorden og fylkesveg 500, rundt seks kilometer nord for Husnes.

Tettstaden har namn etter plasseringa, ved sundet innanfor den vesle øya Herøy. Namnet på øya av norrønt herr, 'folkemengd, hær', truleg i tydinga skipaherr fordi området innanfor øya var ein gunstig samlingsplass for flåten.