Hjørundfjorden – Store norske leksikon (original) (raw)

Hjørundfjorden er ein fjord i Ørsta, Volda og Sykkylven kommunar i Møre og Romsdal. Hjørundfjorden er ein 35 kilometer lang fjordarm av Storfjorden, som sør for Ålesund strekkjer seg i søraustleg retning inn i dei ville Sunnmørsalpane.

Bygdene rundt Hjørundfjorden, særleg rundt dei inste armane, Storfjorden og Norangsfjorden, har stadig vore heimsøkt av katastrofale snøskred. Bygdene ved fjorden er knytt saman med ferjerute mellom Standal, Leknes, Sæbø, Skår og Trandal; dei to sistnemnde har berre samband med eit avgrensa, lokalt vegnett.