Isak – Guttenavn. Betydning og bruk – Store norske leksikon (original) (raw)
Isak er eit hebraisk mannsnamn som tyder ‘må han le’.
Denne tydinga viser til forteljinga i Bibelen om Sara som stod bak døra og lo då Herren spådde for Abraham at ho i sin høge alder skulle føde sonen Isak.
Namnet har fleire variantar: Isaac, Isac, Isach, Isack, Isak.
Namnedag er 19. desember. Iselin har også namnedag denne dagen.
Personar med namnet Isak
Kulturell bruk
- Isak Sellanraa i Knut Hamsuns «Markens Grøde» (1917).
Kjende personar med namnet Isak
Eit utval personar med namnet Isak, og som er omtalt i Store norske leksikon:
- Isak 1. Komnenos (1005–1061)
- Isak Nilsen Botnen (1669–1759)
- Edvard Isak Hambro Bull (1845–1925)
- Isak Kobro (1867–1953)
- Isak Saba (1875–1921)
- Konrad Nielsen (1875–1953)
- Jens Isak de Lange Kobro (1882–1967)
- Jan Isak Sæther (1944)
- Isak (patriark)
- Isak Dinesen
Namnestatistikk
I 2022 var det 6 621 menn i Noreg som hadde Isak som det einaste førenamnet eller som det fyrste av fleire. I 2022 var det 348 gutar som fekk namnet Isak, og det var det fjerde mest populære gutenamnet dette året.
Utvikling i bruk av namnet
Isak er blant dei bibelske namna som var noko brukte på 1800-talet og som fekk eit sterkt oppsving rundt år 2000. Andre døme på bibelske namn med liknande kurveprofil er Andreas, Daniel, Elias, Gabriel, Jakob, Johannes, Jonas og Samuel. Populariteten for slike bibelske namn kan sjåast i samanheng med det internasjonale oppsvinget for desse namna dei siste åra.
Geografisk variasjon på 1800-talet
Isak var mest brukt i Telemark og Finnmark.
Isak var mest brukt i Telemark og Finnmark. (I søylene inngår det også ein eller fleire stavevariantar, til dømes Isach.)
