Siv – Jentenavn. Betydning og bruk – Store norske leksikon (original) (raw)
Siv er eit kvinnenamn som kjem av det norrøne namnet Sif som er laga til ordet sif som tyder ‘slektskap’.
Det finst nokre sporadiske belegg på namnet Sif på 1800-talet, men det er på 1900-talet namnet blir populært (med fyrste belegg på Siv i 1918).
Namnet har fleire variantar: Sif, Siv, Siw.
Namnedag er 6. september. Siril har også namnedag denne dagen.
Personar med namnet Siv
Kulturell bruk
- Siv i Agnar Mykles «Lasso rundt fru Luna» (1954).
Kjende personar med namnet Siv
Eit utval personar med namnet Siv, og som er omtalt i Store norske leksikon:
- Siv Nordrum (1958)
- Siv Kaspersen (1966)
- Siv Mossleth (1967)
- Siv Jensen (1969)
- Siv Juvik Tveitnes (1974)
Namnestatistikk
I 2022 var det 7 593 kvinner i Noreg som hadde Siv som det einaste førenamnet eller som det fyrste av fleire, og Siv var blant dei hundre mest brukte namnet blant norske kvinner.
Utvikling i bruk av namnet
Siv og Siw låg på topp 1965–1974, og dermed nådde dei toppnivået innanfor perioden (1935–1974) då dei fleste andre einstava nordiske namna var på topp, til dømes Aud, Bjørg, Gerd, Gro, Gry, Gunn, Liv og Unn. Sidan år 1900 har Siv vore brukt 3,5 gongar så mykje som varianten Siw.
Les meir i Store norske leksikon
Litteratur
- Kruken, Kristoffer og Ola Stemshaug 2013: [Norsk personnamnleksikon]. 3. utgåva ved Kristoffer Kruken. Oslo.