Sunndalsøra – Store norske leksikon (original) (raw)

Faktaboks

Innbyggjartal

4110 (SSB, 2023)

Landareal

3,5 km²

Tettstadsnummer

6283 Sunndalsøra

Sunndalsøra er ein tettstad i Sunndal kommune i Møre og Romsdal. Tettstaden er ifølgje SSBs definisjon 3,5 km², og har 4110 innbyggjarar (2023).

Sunndalsøra er administrasjonssenter i Sunndal kommune, og ligg ved botnen av Sunndalsfjorden.

Aluminiumsverket (Hydro Aluminium) er hjørnesteinsverksemda på Sunndalsøra, og eksporten herfrå gjer at Sundalsøra er den nest største eksporthamna i Møre og Romsdal (etter Ålesund). Tal tilsette ved verket har blitt redusert frå 2004, etter ombygging og effektivisering av verket; dette har gjort at folketalet i Sunndalsøra har stagnert.