Tord – Guttenavn. Betydning og bruk – Store norske leksikon (original) (raw)
Tord er eit mannsnamn som går tilbake til det norrøne Þórðr med opphav i Þor-røðr. I dette toledda namnet er forleddet gudenamnet Tor. Etterleddet tyder ‘fred’. Etterleddet -røðr går tilbake til eit eldre -frøðr.
Tord og Tor kan bli samanblanda om dei blir uttalte likt. I dialektar med tjukk [l] har Tord vore uttalt med tjukk [l] (jamfør gard) i motsetning til Tor.
Namnet har fleire variantar: Thord, Tord.
Namnedag er 10. september. Tor har også namnedag denne dagen.
Personar med namnet Tord
Kulturell bruk
- Tord Øverås i forteljinga «Faderen» (1860) av Bjørnstjerne Bjørnson.
Kjende personar med namnet Tord
Eit utval personar med namnet Tord, og som er omtalt i Store norske leksikon:
- Tord Sigvatsson Kakale (1210–1256)
- Tord Roed (1500–1550)
- Tord Torgeirson Kvaalsøyen (1794–1888)
- Tord Godal (1909–2002)
- Tord Grip (1938)
- Tord Lien (1975)
- Tord Asle Gjerdalen (1983)
- Tord Gjelle Olavsson (–965)
- Tord Bonde (–1327)
Namnestatistikk
I 2022 var det 1 677 menn i Noreg som hadde Tord som det einaste førenamnet eller som det fyrste av fleire.
Utvikling i bruk av namnet
Det einstava nordiske namnet Tord hadde ein seinare toppfase (1990-åra) enn dei fleste einstava nordiske namna, for dei var på topp innanfor perioden 1920–1979, til dømes Bjørn, Dag, Finn, Geir og Kjell.
Geografisk variasjon på 1800-talet
Tord var klart mest brukt i Oppland.
Tord var klart mest brukt i Oppland. (I søylene inngår det også ein eller fleire stavevariantar, til dømes Thord.)
Les meir i Store norske leksikon
Litteratur
- Janzén, Assar 1947: De fornvästnordiska personnamnen. [Nordisk kultur 7].