Treungen – Store norske leksikon (original) (raw)

Faktaboks

Etymologi

norrønt Þriðjungrinn, ‘tredelen’; siktar truleg til ei gammal bygdeinndeling.

Også kjend som

Tveitsund

Innbyggjartal

542 (SSB, 2023)

Landareal

1 km²

Tettstadsnummer

3131 Tveitsund

Treungen er ein tettstad i Nissedal kommune i Telemark. Tettstaden er ifølgje SSBs definisjon 1 km², og har 542 innbyggjarar (2023).

Treungen er administrasjonssenter i Nissedal kommune, ved sørenden av sjøen Nisser. Dei viktigaste næringsverksemdene er trevareindustri, tekstilproduksjon og minkfôrfabrikk. Treungen var endestasjon på jernbanen Arendal–Nelaug–Treungen, som vart opna til Åmli i 1910 og til Treungen i 1913. Banen som var smalspora, fekk normalspor i 1946. Han vart nedlagd i 1967. Fleire av jernbanebygningane er bevarte.