Våge – Store norske leksikon (original) (raw)

Faktaboks

Innbyggjartal

862 (SSB, 2023)

Landareal

1,1 km²

Tettstadsnummer

5281 Våge

Våge er ein tettstad i Tysnes kommune i Vestland. Tettstaden er ifølgje SSBs definisjon 1,1 km², og har 862 innbyggjarar (2023).

Våge ligg ved Tysnesvika på nordsida av Tysnesøya. I tettstaden ligg Tysnes kyrkje, ei langkyrkje i tre frå 1868.

Våge har ferjesamband med Halhjem (fylkesveg 49) og snøggbåtsamband med Bruntveit på naboøya Reksteren og Osøyro i Bjørnafjorden kommune. Lukksund bru, 16 kilometer frå Våge, gjev ferjefritt samband med Bjørnafjorden, Hardanger og Bergen. Kortaste vegen til Bergen er via ferja til Halhjem.

Årleg blir Tysnesfest arrangert på Våge i juli.