Ytre Sula – Store norske leksikon (original) (raw)
Ytre Sula er den ytste av dei store øyane i Solund kommune i Vestland fylke. Ytre Sula ligg på nordsida av Sognesjøen, den ytre delen av Sognefjorden. Øya er 34,7 km² stor med nokre grender.
Faktaboks
norrønt sól, ‘fure, innsnitt’
Også kjend som
Ytre Solundøy, Husøy
Høgaste punkt er Håfjellet på 202 meter over havet. Ytre Steinsund skil øya frå Steinsundøy. På vestsida av øya ligg Husøy kyrkje. Øya har ei rekkje fiskeoppdrettsanlegg. Steinalderbuplassen Grønehelleren vitnar om tidleg busetjing.