kornmo – Store norske leksikon (original) (raw)
Kornmo er ordet ein brukar om lyn ein kan sjå, utan at ein høyrer tore. Ein kan berre observere kornmo når det er mørkt.
Faktaboks
Det at ein ser lyn, men ikkje høyrer tora, kan vanlegvis ha to forklaringar. Den eine er at torevêret er så langt borte at ein ikkje høyrer det, berre ser lysglimt i det fjerne. Då ligg ofte skyene forholdsvis høgt, gjerne på fleire tusen meter. Den andre forklaringa er at det berre er utladingar inni eller mellom skyer. Desse lyna manglar det sterkt straumførande «tilbakeslaget» frå jorda, og får difor mindre effekt, med tilsvarande mindre toreskrall.
Kornmo opptrer oftast på seinsommaren, når kornet tek til å mognast, derav namnet.