ny – bokstav i det greske alfabetet – Store norske leksikon (original) (raw)
Ny er den 13. bokstaven i det greske alfabetet (Ν,ν). Han svarar til n i det latinske alfabetet.
Ny har verdien 50 i det greske talsystemet.
Ny i samansetjinga (digrafen) ντ
Ettersom delta, δ, vert uttala [ð] på moderne gresk, er samansetjinga (digrafen) ny + tau, ντ, teken i bruk for å skriva lyden [d] i framlyd: Ντράμεν («Ntrámen» 'Drammen'). Inne i ord vert digrafen ντ uttala [nd], men i vanleg ledig tale uttalar mange grekarar [d] jamvel i slik stilling.