utala musi pi toki pona (original) (raw)
utala musi lipu la tenpo lukin li lon!
utala pi lipu lili la lipu MLLW li lon
utala pi lipu suli la lipu M li lon
ijo pi lipu musi li ken ike e pilin mi la mi o seme?
insa pi lipu ale la mi pana e ijo pi ken ike lon anpa sitelen sama ni:
o sona e ken ike lon lipu ni
- ike nanpa wan
- ike nanpa tu
sina wile lukin e sona la o luka e sitelen. sina wile ala lukin la o luka ala e sitelen.
mi lukin e lipu. mi o pana e pilin mi lon seme?
o kepeken lipu ni pi pana pilin.
ken pi pana pilin li pini lon tenpo ni: suno pi toki pona li open.
sina pana ike e lipu mi a!
ni li lon la o toki e pakala mi tawa mi (ilo Siko la @raacz106, nasin ante la tokipona(sike lili)sasalin(sitelen a)gmail(sike lili)com).
lawa pi utala musi li seme?
o kama lukin e lawa ale pi utala musi lipu.
utala pini
tenpo sike #MAMTT
- mun #LTW: utala musi lipu la kulupu li pali e lipu musi sin mute a!
tenpo sike #MAMTW
- mun #LTW: utala musi pi lipu suli pi toki lili la kulupu li pali e toki lili mute e lipu suli mute en lipu tu pi suli mute a
- mun #L: utala pi musi mu la o lukin e musi tawa e musi kalama e musi lukin o kama mu suli tan pilin musi wawa!
- mun #T: utala pi sitelen ma la kulupu pi ma pona li wile e sitelen musi sin lon ilo Siko. sitelen mute li kama. taso sitelen seme li pona nanpa wan?
tenpo sike #MAMT
- mun #LTW: utala pi lipu musi lili la jan mute li sitelen e lipu soweli e lipu monsuta e lipu olin e lipu pona!
tenpo sike #MAMW
- mun #LT: utala pi sitelen ma la kulupu li pali e sitelen musi tawa ni: ma pona pi toki pona li seme lukin tawa jan lon ilo Siko?
- mun #T: utala pi lipu kalama tawa la kulupu li kama e lipu suli tawa ni: jan li ken kalama e ona lon poka!
tenpo sike #MAM
- mun #LLW utala pi toki musi la kulupu li pali e toki musi lili mute! musi pi jan seme li pona tawa kulupu tawa jan Sonja?
ijo wawa kulupu
tenpo sike #MAMTW musi mu #W
tenpo sike #MAM sitelen ma #T
tenpo sike #MAM toki musi #TW