Wiccionaire (original) (raw)

Èn årtike di Wiccionaire.

Bénvnowe sol Wiccionaire

Li libe diccionaire, diné po rén, k’ on pout tertos recråxhî.

I gn a 37 242 pådjes, inte di zeles 32 288 fok pol walon.

Coxhe waloncåzante do pordjet Wiktionary.

Mot del samwinne

lourd o.n. Djin waire sûteye ; biesse ; nén sûti po ene mastoke.

El savîz ?

E walon, li pont sol roye, c’ est on pont (li minme k’ el sene di pontiaedje ‹ . ›) k’ on mete inte deus n po mostrer ki gn a divant lu ene voyale naziåle, come dins djon.ne ki s’ prononce /d͡ʒɔ̃n/ et nén /d͡ʒon/ u /d͡ʒɔn/. On l’ eploye eto inte deus voyales po ristoper l’ ahiket, come dins a.èsser k’ on prononce /ayɛse/ nén /aɛse/. Çou n’ est nén on sene do sistinme Feller stricto sensu et i n’ est nén rprins e rfondou walon. Ci sene la est rprins eto e picård, come dins glin.ne /ɡlɛ̃n/, u co e catalan (flotchreçmint a l’ plaece do mîtrin pont ‹ · ›) po mostrer l’ djermalêye do son /l/, come dins il.lògica (il·lògica).

Ôtes pordjets wikimedia e walon

Prezintaedje do Wiccionaire

Li Wiccionaire, c’ est on spepieus diccionaire (on dit eto motî) sicrît e walon. Il est libe, diné po rén, eyet recråxhî pa des bénvlants contribouweus.

Ci pordjet ci, c’ est ene coxhete del grande waibe Wiktionary, ki s’ såme c’ est di discrire, dins pus di 150 lingaedjes, les djivions (mots-intrêyes) di tos les scrîts lingaedjes k’ egzistèt u k’ ont-st egzisté sol daegne.

Li Wiccionaire ni s’ ocupe waire di l’ ortografeye, ca ci n’ est nén on diccionaire di normålijhaedje, mins di discrijhaedje. Si riprind-t i voltî totes les fômes sicrîtes k’ on pout rescontrer. Mins nerén, po çou k’ est des esplikêyes di tchaeke mot, di tchaeke ratourneure u dijhêye, li Wiccionaire eploye l’ ortografeye normålijheye, lomêye rifondou walon.