amour — Wiccionaire (original) (raw)

• Début
• 1 Walon (Rifondou)
  • 1.1 Etimolodjeye
  • 1.2 Prononçaedje
  • 1.3 Sustantif
    * 1.3.1 Ratourneures
    * 1.3.2 Parintaedje
    * 1.3.3 Mots d’ aplacaedje
    * 1.3.4 Dizotrins mots
    * 1.3.5 Ortografeyes
    * 1.3.6 Ratournaedjes
    * 1.3.7 Waitîz eto
• 2 Francès
  • 2.1 Sustantif

Èn årtike di Wiccionaire.

Di l' occitan amor, tot passant på francès amour. Li sourdant do mot occitan, c' est l' latén amorem (acuzatif). Do minme sitok ons a l' latén amare, qui nos a dné e walon binamé.

• AFE :
  • diferins prononçaedjes : /a.ˈmuːʀ/ /a.ˈmɔʀ/
  • prononçaedje zero-cnoxheu : /a.ˈmuːʀ/
• Ricepeures : a·mour

amour omrin

1. sintimint di parfond ataetchmint d’ ene djin a ene ôte djin, mins eto a des biesses, des plantes, des sacwès, des cwålités, des sudjets d’ creyance.
   • Li crolé passeu d’ aiwe riyeut di leus amours Et djamåy nole di zeles n’ aveut fwait tocter s’ cour. — Joseph Vrindts (fråze rifondowe).
   • Mouyete ni poite nén co si må l’ no k’ on lyi a dné. Ele s’ a schoyou, vola doze ans, so les poûssires del måjhone ås clicotes, et si binamêymint, k’ ele fjha flori, tot on tins, des tinrès plantes d’ amour et d’ djoye ; — Arthur Xhignesse, Boule-di-Gôme, 1912, p.22 (fråze rifondowe).
   • Li ci ki n’ a nén cnoxhou l’ amour, i n’ a rén cnoxhou del veye. — Jean-Jacques Gaziaux.
   • Si dji n’ dene nén m’ cour å penin d’ voste amour, a cwè çk’ i pôreut bén siervi ? — Michel Meurée.
   • I nos fåt fé nosse doû d’ l’ amour did la lontins, et nos coirniyî come deus båyåds a mitan moirts. — Guy Brener.
   • L’ amour, c’ est èn abcès å cour ki s’ percêye på cou. — Jean-Jacques Gaziaux.
2. djin ki rçût ci sintimint la.
   • Vinoz, mi amour; c’ est tos metchants, ces-la.
   • Dji comprind, veyoz vs, li lingaedje,
     Ki les ptits oujheas, gazouyèt,
     Et dj' ecope les curieus ramtaedjes,
     K' a leus amours i sussinèt. — Martin Lejeune, Œuvres lyriques du poète wallon Martin Lejeune, p. 102, "Çou k' ratchaftént les vîs pénssons" (fråze rifondowe).
3. advinteure la ki deus djins s' veyèt voltî.
   • Nos esténs dedja on pô hinés tot les cwate; et vla k' onk des plankets cmince ene paskeye on pô cråsse ki l' måtourné a fwait so les amours da Leloup. — Martin Lejeune, Œuvres lyriques du poète wallon Martin Lejeune, p. 114, "L'infifélité d' Catrène" (fråze rifondowe).
4. ake di mopliyaedje di deus djins.
   • L’ amour, c’ est cwate djambons pindous å minme crampon. — Jean-Jacques Gaziaux.
   • Après l’ amour, troes omes so dijh foumèt ene cigarete, et set so dijh… eralèt e leu måjhone.
5. fé l’ amour
6. froedès mwins, tchôdès amours
7. l’ amour fwait danser les ågnes
8. l’ amour n’ acwirt djamåy rén d’ bon
9. l’ amour tchait ossu bén so on tcherdon k’ so ene rôze ou l’ amour si tape so on tcherdon ossu bén k’ so ene rôze
10. l’ amour, ça prind come el schite, l’ amour, ça prind come li schite ås veas
11. les longuès amours ni valèt rén
12. mi amour
13. po l’ amour di Diu
14. si narene fwait l’ amour a s’ minton

• binamé
• amoureus
• amoureuzmint
• amourachî
• amourete
• amourer
• enamourer
• amour prôpe
• maladeye d’ amour
• peme d’ amour
• plamor ki
• vey voltî / vir voltî

sintimint di parfond ataetchmint d’ ene djin a ene ôte djin

Lijhoz l’ årtike amour so Wikipedia.

amour omrin

1. amour (mot scrît eyet prononcî e francès come e walon).

Categoreyes :

• Mots do walon
• Walon
• Mots do walon di deus pîs
• Sustantifs do walon
• Mots do walon avou des ratourneures
• Mots do francès
• Francès
• Sustantifs do francès
• Mots do francès scrîts come e walon