celeri — Wiccionaire (original) (raw)
Èn årtike di Wiccionaire.
fas d' celeris
Tayon-bodje latén « selinon » (minme sinse).
- AFE :
- diferins prononçaedjes : /sɛ.lɛ.ʀi/ /se.lɛ.ʀi/ (minme prononçaedje cåzu pattavå)
- prononçaedje zero-cnoxheu : /sɛ.lɛ.ʀi/
- Ricepeures : ce·le·ri
| singulî | pluriyal |
|---|---|
| celeri | celeris |
celeri omrin
- (plante) (mot d’ coujhnåjhe) yerbêye foirt eployeye el coujhene, ki l’ sincieus no, c’ est : Apium graveolens.
- Po mes celeris, Dj' so disbåtchî, I sont tot ratchitchîs. — Bob Dechamps (fråze rifondowe).
- I cûtnéve ene cråsse sope avou on mustea d' boû, des cémes di celeri, des rondales di pourceas et on clapant boket d' lård (Jacques Hensschen).
- Dins l' sope, il a rtrové li rodje cote des carotes, li djaene pelake des agnons, et l' blanke schoice do celeri. — Lucien Somme (fråze rifondowe).
- Li celeri, ça fwait rlever l' canari. — Motî d’ Bastogne (fråze rifondowe).
- celeri selerat, t' as gåté l' abit di m' popa : dijhêye (C9 a "abit")
- celeri ås boles, celeri d' ivier, celeri-råve
- celeri ås djets, celeri a rcôper
- såvadje celeri, celeri perpetuwel
Après 1900, foû rfondou (Feller, Feller ricandjî, nén Feller) :
Li mot n’ est nén dins : C8, R13
yerbêye, Apium graveolens
Lijhoz l’ årtike celeri so Wikipedia