djusse — Wiccionaire (original) (raw)

Èn årtike di Wiccionaire.

Do francès juste, timproumint epronté på walon. Li mot francès vént do latén iustu- (djusse, ki shût l' djustice u les dujhances). Li mot latén n' a moussî e walon fok po l' no d' djin (Sint) Djosse, avou u latén ki toûne a o, come dins pôsse, gosse etch.

djusse (nén candjåve)

  1. nén dpus ni moens k' i n' fåt, unicmint.
    • On a djusse yeu l' tins d' boere on dmey.
    • Ele n' a pupont d' gosse po rén, ele ni magne cåzu pus, et s' continter do pepyî djusse çou k' i fåt po n' nén mori d' fwin — Émile Pècheur (fråze rifondowe).
  2. on court tins.
    • Djusse divant l’ Tossint, gn a ene algaråde inte les deus roufions, et les deus peres monter so leus grands tchvås — Lucyin Mahin.
  3. simplumint, sins fé des mirlifitches.
    • S' i gn a ds ôtes ki volèt ki dji lzî evoye, ni balzinez nén: dimandez mel djusse — Lorint Hendschel.
    • Dji vos l' di tot djusse
      Tot çk' est la scrît ;
      Dji n’ î a rén savou candjî ǃ — Jacques Desmet, Homo sapiens, 2011, p.57, L’ôte, avou s’ grande faus, mwaisse modele so Wikisourd vaici (fråze rifondowe).
      (Léjhou pa l' oteur, fevrî 2026)
    • Li mwaisse ovrî trove Djeråd edoirmou so li schoupe:
      -To doimes, Djeråd ?!
      - Neni, dj' esteu djusse eniké.
  4. egzactumint.
    • C' est l' agaece k' a s' ni dins l' grosse hesse k' est djusse ki rwaite li vite di m' tchambe— Lucyin Mahin.
  5. simplumint, sins poleur fé ôte tchoi.
    • Ça s' dit ovrî et c' est djusse bon po-z araedjî tot.

| | singulî | pluriyal | | | -------------------------------------------------------------------------------------------------------------- | ---------------------------- | ----------------------------------------------------------------------------------------- | | omrin | djusse | djusses | | femrin padrî | djusse | djusses | | femrin padvant | djusse | djussès |

djusse omrin et femrin

  1. k' est dins l' droet do djeu, ki shût li lwè, les uzances.
    • Ah ! Hoûtez, ç' n' èst nin djusse : ovrer, lanwi, mori !
      Et po mète lès restants dè ci qui v's-a noûri,
      N'aveûr qu'on flåwe wahê, n'aveûr qui dès clicotes !... — Joseph Vrindts, « Pâhûles rîmês » (1897), "A l'pwète dès incurâbes" (avri 1878), p.55.
  2. esse tot djusse
    • Si c’ esteut ddja tot djusse po l’ amindjî, po l’ bagaedje c’ esteut co bén pire — Jacques Desmet (fråze rifondowe).
  3. nén tot djusse
  4. comiece å djusse pris

ki shût l' droet del djustice

singulî pluriyal
djusse djusses

djusse omrin et femrin

  1. djin ki s' a todi cdût dins l' djustice.
    • Il avént catchî des djwifs tins del guere, ey esse lomé on «djusse emey les nåcions».
  2. omrin todi singulî sacwè ki shût li djustice.
  3. å djusse
    • on n' sèt nén cwè å djusse.
  4. come di djusse; come di djusse et d’ råjhon

Après 1900, foû rfondou (Feller, Feller ricandjî, nén Feller) :

Stindaedje do prumî sinse: hena ki mzeure djusse ene contnance.

singulî pluriyal
djusse djusses

djusse femrin

  1. (ahesse di manaedje) hena k' on pout î mete do likide assez po porter d' ene plaece a l' ôte.
    • C' est a t' toû, vola l' djusse, mi dit-st i, fwai t' tournêye,
      Vass rimpli les aboeres, end åront po ene hapêye ;
      Pwis ti vénrès houmer ene gote di frisse peket ;
      C' est bon pol vier do cour, come les beveus l' dijhèt. — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.38 (fråze rifondowe).
    • Les djusses å laecea et les soucrîs estént d' vere taeyî — Arthur Schmitz (fråze rifondowe).
    • Si tchén mi cnoxhe come si mwaisse;
      I n’ a wåde di hawer sor mi.
      Ca c’ est mi ki ramoenne les djusses
      Da m’ pitite martchande di laecea — viye tchanson (fråze rifondowe).
  2. (no d’ contnou) çou k' gn a dvins.
  1. djusse come ene djusse et rond come on posson
  2. onk fwait djusse et l’ ôte fwait posson

Après 1900, foû rfondou (Feller, Feller ricandjî, nén Feller) :

hena po mete assez bén d' likide

Lijhoz l’ årtike djusse (hena) so Wikipedia

Lijhoz l’ årtike djusse (discramiaedje) so Wikipedia