gordene — Wiccionaire (original) (raw)

Èn årtike di Wiccionaire.

Tayon-bodje latén « cortina », adon racuzinåve l' neyerlandès « gordijn » (minme sinse), çou ki dene on mot avou l’ cawete « -ene »

singulî pluriyal
gordene gordenes

gordene femrin

  1. bele grande toele ki pind padvant divant ene finiesse, on lét å baldakin.
    • Des gordenes a rodjes cwåreas. — Motî Forir (fråze rifondowe).
    • Drovi ou serer les gordenes. — Motî Forir (fråze rifondowe).
    • Drovoz les gordenes; serez les gordenes — Motî d’ Vervî (fråze rifondowe).
    • Mes fniesses ont todi seré timpe assez leus gordene — Christian Quinet (fråze rifondowe).
    • (Cachîz après) les aneas d' gordene — Motî del Lovire (fråze rifondowe).
    • C’ est l’ tchambe la wice ki dj’ veya l’ djoû,
      Li fôme-eclôse et ses gordenes. — Joseph Vrindts, Vîx Lîge, (1901), p.27, “Vîle air” (fråze rifondowe).
    • Di tchaeke costé del gordene, ene finiesse dins li spexheur del muraye (Joseph Gilson).
    • Les ptitès fniesses ås riyantès gordenes
      Et gåyotêyes di rubans cadjolés,
      Leyît vey oute des cwåreas verts et djaenes,
      Li crusfi d' keuve inte les deus vîs tchandlés. — Louis Lagauche, Mayon, (1923), p. 83 (fråze rifondowe).
  2. barada, badjolet (fene toele metowe dirî l' tchapea po waeranti l' hatrea do solea).
  3. (noûmot pa stindaedje do sinse) (botanike) rimanance di l' anea di sacwants tchampions (les gordinåres), ki dmeure après l' pî.
  4. li gordene å (do) stoelî : li cir, veyou come ene bleuwe toele.
    • Coutcoloudjoû ! el cok siclefe el gordene å stoelî — Christian Quinet (fråze rifondowe).
  5. saetchî l' gordene : cwiter s' måjhone.
    • Por mi, cwand dji sofoke, si dj’ vou saetchî l’ gordene, C’ est l’ meyeu d’ tos les rmédes : dj’ endè va so l’ Årdene.

toele

bele toele divant ene finiesse

rimanance di l' anea di sacwants tchampions

Lijhoz l’ årtike gordene so Wikipedia