grand — Wiccionaire (original) (raw)

Èn årtike di Wiccionaire.

Tayon-bodje latén « grandis » (« grand », « vî »).

| | singulî | pluriyal | | | ---------------------------------------------------------------------------------------------------------------------------- | ------------------------------------------------- | ------------------------------------------------------------------------------------ | | omrin | grand | grands | | femrin atribut | grande | grandes | | femrin epitete(todi padvant) | grande | grandès |

grand omrin (come addjecif djondrece, todi metou padvant l’ no)

  1. hôt so pîs, so pates, so bodje.
  2. hôt et lådje, gros.
    • I s’ aveut acropou po såcler, et (…) ses djambes estént edoirmowes. I s’ tineut di totes ses foices a des grandès cawes di crompires. — Louis Remacle, Proses wallonnes, p. 86 (fråze rifondowe).
  3. foirt sitindou.
    • Totossu vite rintrêye, Påla fwait nosse briket ey elle espåme nosse grand terrasse. — D. Lionnet, (sourdant a recråxhî).
  4. foirt rilomé.
    • C’ esteut onk des pus grands scrijheus e walon.
    • Rén n' î mancreut po nos hosler d' liesse :
      Chateau-la-Pompe freut plaece ås grands mousseus,
      Et l' pôve Måcon sereut lon d' esse al fiesse,
      Ca l' Chambertin l' freut valser foû do djeu. — Jean Dessard, D'ine cohe so l'aute, 1939, p.138, Tchanson d' tåve : Inte lès-åsses èt lès pots (1936) (fråze rifondowe).
  5. vî assez, k’ a l’ ådje di råjhon.
    • Et po t’ disfinde, cwand dj’ serè grand,
      Sins halkiner, dji shurè l’ voye
      K’ ont shuvou l’ an trinte, nos parints— Joseph Vrindts, Vîx Lîge, (1901), p.34, “Walon d’vant tot !” (fråze rifondowe).
    • To n’ direus on grand grigneus djonne ki pîle et somadjî azeure po rén. — Émile Gilliard (fråze rifondowe).
  6. long.
    • On grand laid vî ctoirdou bwès. — Louis Remacle (fråze rifondowe).
  7. consecant(e), k’ on-z î tént foirt.
    • C’ est ene sacwè d’ grand por mi, ki vos åyîxhe fwait vosse comunion.
    • Les « Gott mit uns », « Allah akbar », « Au nom du Christ », ont trop sovint siervou a-z escourci les djins pol pus grand crime so cisse tere ci : li guere. — Paul-Henri Thomsin (fråze rifondowe).
    • Li grand doû esteut poirté èn an, et deus po les près-parints.
  8. a grand poenne : avou bråmint des rujhes.
  9. vos åroz do grand doet : mancî èn efant di lyi mostrer l’ erî-doet stindou po l’ fé schoûter.
  10. grand doû : doû avou candjmint d’ mousmint, disfinse di s’ amuzer, evnd.

Après 1900, foû rfondou (Feller, Feller ricandjî, nén Feller) :

hôt et lådje ; Loukîz a : gros

k’ al’ ådje di n’ pus esse efant

Nén definixhant prezintoe

[candjî]

grand (nén candjåve) (divant on no, omrin u femrin sins årtike)

  1. dins ene fråze di noyaedje, vout dire « nén bråmint do, nén bråmint del, nén bråmint des ».
    • On n’ a nén grand ovraedje di ces djoû ci.
    • I n’ fåt nén grand tins.
    • Gn aveut nén grand djin a l’ etermint.
    • I n’ pasreut dedja grand matons : li pés est tot deur : li mamite est trop viye. — Sintake do walon del Gléjhe (fråze rifondowe).
    • N aveut nén grand tchoi sol dicåce.
    • E l’ plaece di dvant, pavêye di belès schayes lujhantes come do mårbe, i gn a nén grand meube : ene ronde tåve, ene dresse, on lét dvant l’ finiesse ey ene sitouve inte li dresse et l’ lét — Gérard Baudrez, divins Veye di tchén p. 7 (fråze rifondowe).
  2. dins ene fråze di djhaedje.
    • Il est grand tins.
    • Gn a-t i grand devôcion a fé do botchî ? — Sintake do walon del Gléjhe (fråze rifondowe).
    • N aveut i grand djin a l’ etermint ?

nén bråmint di

| | singulî | pluriyal | | | ---------- | --------------------------------------------------- | ------------------------------------------------------------------------------------ | | omrin | grand | grands | | femrin | grande | grandes |

grand omrin

  1. grand (mot scrît eyet prononcî e francès come e walon)