munute — Wiccionaire (original) (raw)

Èn årtike di Wiccionaire.

Tayon-bodje latén « minutus » (minou boket, vinant do pårtixhaedje di l’ eure), avou on ridaedje I/U ; (sorwalonde -U- estô di -I-)

• AFE :
  • diferins prononçaedjes : /my.nyt/ /mi.nyt/ /mœ.nœt/
  • prononçaedje zero-cnoxheu : /my.nyt/
• Ricepeures : mu·nute

munute femrin

1. (cronolodjeye) swessantinme pårteye d’ ene eure.
   • L’ erlativisté, c’ est cwand on rodje feu deure deus côps pus lontins k’ on vete, mågré k’ i loumnut tos les deus ene dimeye munute. — Robert Arcq (fråze rifondowe).
2. court moumint.
   • Ene munute, dj’ arive. — Motî d’ Nivele (fråze rifondowe).
   • Ossu totes les båsheles n’ avént nén sogne, l’ alnute,
     Do dvizer sol pavêye, do s’ astårdjî ene munute,
     Po houmer l’ boune hinêye k’ amoussive tot do long. — Joseph Vrindts, Vîx Lîge, (1901), p.101, “Pâhûlisté” (fråze rifondowe).
   • Les poyes ki grevissént dins les broûs do fossé, dmornut ene munute a djoke, pu ele si metnut a berdeler come des canletes e sôrtant d’ messe. — Willy Bal (fråze rifondowe).
   • Cwand dj’ a l’ tchance ki m’ mame a spité evoye, c’ est cénk munutes, eyet nén dpus. — Maurice Colombin (fråze rifondowe).
3. (djeyometreye) swessantinme pårteye d’ on digré d’ ingue.
4. al dierinne munute
5. al munute
   • HOUBERT. - Vos alez vey come çoula va t esse schovté al munute.
     MAYANE (lyi bouxhe li papî foû del mwin). -Tinoz, vo-l'-la vosse foyou. — Jean Lejeune, Po marier Lèyontine, 1928, ake III, sinne X, p.47 (fråze rifondowe).
6. so ene munute di tins
   • Des gros mots shuvèt ls ôtes
     Et so ene munute di tins
     Tote ene cåkêye d' apôtes
     Si batént come des tchéns. — Jean Dessard, D'ine cohe so l'aute, 1939, p.152, Al bate di coqs (1923) (fråze rifondowe).

• (court moumint) : houbonde, åvé

Après 1900, foû rfondou (Feller, Feller ricandjî, nén Feller) :

• minute : C99, E1 (lére), E34, G203 p. 239, O0, S0, S117

• munute : C8, C99, G203 p. 239, O0, O4

• mînute : G203 p. 239

• me̊ne̊te : C101

• mîneute : G203 p. 239

• mënëte : LSov

• munute : R10 (lére), R13

Li mot n’ est nén dins : C65

swessantinme pårteye d’ ene eure

munute (nén candjåve)

1. dimande di ratinde on court moumint.
   • Munute ! Dj’ arive.
   • Munute ! On blanc drapo, dji n' a nén, mins mi dintele est blanke, leye — Paul-Henri Thomsin, ratournant Astérix amon lès Bèljes, 2022, p. 34 (fråze rifondowe).

Lijhoz l’ årtike munute so Wikipedia