schome — Wiccionaire (original) (raw)
Èn årtike di Wiccionaire.
| Ordinairmint | Dirî cossounes’ on prononce /sk/ |
|---|---|
| schome | eschome |
Tayon-bodje mîtrin neyerlandès * "schūme" (minme sinse), lu-minme tayon-bodje vî vî tîxhon * «skūmaz» (minme sinse).
- AFE :
- diferins prononçaedjes : /hum/ /hɔm/ /çum/ /ʃum/ /ʃɔm/ /ʃym/ /ʃœm/ /ʃim/ /ʃɛm/ /skym/ /skœm/ /skim/ /skɛm/ /sam/ miersipepieuzmint e l’ notule ALW 1.32 ; (betchfessî sch); (36 prononçaedjes); (oyon O/OU/U)
- prononçaedje zero-cnoxheu : /skɔm/ (waire u nén prononcî insi å 20inme sieke); replaeçåve pa /hɔm/ /ʃym/ /skym/
- Ricepeures : nén rcepåve
schome femrin (nén contåve), (cåzu todi singulî)
- blanc cayet ki vént cwand on likide est rmouwé et wåde des bouyetes d' air ådvins.
- Fé del schome avou d' l' aiwe et do savon. — Motî Pirsoul (fråze rifondowe).
- Et vs el shofla djus come del schome,
Tot n' lumcinant nén si lontins. — Henri Simon, Li pan dè bon Diu, "Fåt bate li fiér tant qu’il èst tchaud" (1884) (fråze rifondowe). - Li solo blancåsse lezî dnéve
Des rflets d’ ermene tofer candjants ;
S’ froede tchôleur les egordinéve
D’ ene schome ki les fjheut vey pus blancs. — Martin Lejeune, Œuvres lyriques du poète wallon Martin Lejeune, "L’iviêr èt l’amour" (fråze rifondowe). - I n' esteut nole eure å matén
K' on-z etindeut souner si eglome
Et ki s' shoflet tchessive å vint
Ene sipesse foumire come del schome. — Jean Dessard, D'ine cohe so l'aute, 1939, p.68, Rimimbrance (1920) (fråze rifondowe).
- (pus stroetmint) aiwe cwand elle est rmouwêye.
- Adon, loyminoymint, sol greve, des frågnes di schome vinént mori. — Charles Josserand (fråze rifondowe).
- crås likide avou des bouyes divins.
- Li schome monte å dzeu do tchôdron et disvale a tere. — Pierre Otjacques.
- (pa stindaedje do sinse) sacwè d' solide ki rshonne a l' aiwe avou des bouyetes di gåz.
- schoumeus, schoumieus
- schoumer, schoumaedje
- schoumrece, schoumoe
- schome di fier : craheas
- pupe d' eschome
Après 1900, foû rfondou (Feller, Feller ricandjî, nén Feller) :
aiwe rimouwêye avou des bouyetes d' air divins
crås likide avou des bouyes divins, come so del bire
Rifondaedje: so Berdelaedje
Lijhoz l’ årtike schome so Wikipedia
schome
- indicatif prezintrece, prumire et troejhinme djins do singulî, do viebe « schoumer ».
- suddjonctif prezintrece, prumire et troejhinme djins do singulî, do viebe « schoumer ».
- kimandeu prezintrece, deujhinme djin do singulî, fôme camaerådrece, do viebe « schoumer ».
- Ene bire ki n' schome nén, ci n' est nén ene boune bire.
- Ele schome ses côrins avou s' viye schoumrece.