Dry martini (original) (raw)

"Cur barbaria post saecula longa non cadit, o castris miles amice meis?", Vox Latina (2020). Tomus 56, fasciculus 221, 332-345.

VOX LATINA, 2020

I. Titulum huius symbolae partim a poeta Sulmonensi mutuata sum, partim animo finxi postquam quoddam epigramma legerim a viro Lusitano compositum nomine ARIO BARBOSA (ca. 1460-1540), poeta egregio et professore in universitate studiorum Salmanticensi saeculis decimo quinto exeunte et decimo sexto ineunte, ubi ipse primam cathedram linguae Graecae posuit illis temporibus, quibus adventus in Hispaniam magistrorum peregrinorum, maxime Italorum, auram novam adtulit in scholas vetustas et obsoletas Academiarum nostratium. Epigramma illud in lucem editum est primum Salmanticae anno millesimo quingentesimo vicesimo, deinde Conimbrigae, sedecim annis post, aliquantulum mutatum et minutum, cuius priores versus exscripsi, utpote qui statum plane atque omnino exhibeant, quem Barbosa in hac Academia invenerit.