Partoprenu en filmeto de TEJO por la Internacia Tago de la Gepatra Lingvo 2024! (original) (raw)

TEJO festas la Internacian Tagon de la Gepatra Lingvo! La 21-an de Februaro estas speciala tago dediĉita al la lingvoj, dialektoj, kaj kulturaj heredaĵoj, kiuj estas la fundamento de niaj identecoj. Por festi tiun ĉi tagon, ni intencas krei inspiran kaj diversan filmeton sur Jutubo, kaj ni volas, ke vi estu parto de ĉi tiu ĝoja okazo!

Temoj por videoj

1. Feliĉan Tagon de la Gepatra Lingvo!

Prenu kameraon kaj diru “Feliĉan Tagon de la Gepatra Lingvo!” en via lingvo aŭ dialekto.

2. Lingvaj rajtoj

Parolu pri viaj ideoj kaj pensoj pri lingvaj rajtoj. Kial estas grave prizorgi kaj respekti la diversajn lingvojn en nia mondo? Kunhavigu vian perspektivon!

3. Proverboj kaj ilia signifo

Rakontu proverbon el via denaska lingvo kaj klarigu ĝian signifon en Esperanto. Disvastigu saĝajn vortojn kaj sciojn inter la komunumo.

4. Via plej ŝatata vorto

Komentu pri via plej ŝatata vorto en via denaska lingvo. Kial ĝi estas speciala por vi? Montru la diversajn belecojn de niaj lingvoj.

Kiel partopreni?

1. Elektu unu aŭ plurajn temojn, kiu(j) inspiras vin.
2. Registru mallongan videon laŭ la elektitaj temoj. Bonvolu, se vi elektas pli ol 1 el la supraj temoj, faru apartajn filmetojn por ĉiu temo.
3. Sendu viajn videojn al ni per [Google Drive, WeTransfer, ktp.] pere de ĉi tiu formularo aŭ skribu al ni ĉe tejooficejo@gmail.com.

La limdato por sendi viajn videojn estas la 19-a de Februaro 2024. Ni ekscitiĝas pri via partopreno kaj la kreado de speciala filmeto por festi kune la gepatrajn lingvojn!

Dankon pro via entuziasmo kaj partopreno en tiu ĉi ĝoja festo de nia lingva heredaĵo!