Alemannische Wikipedia (original) (raw)

Wikipedia:Houptsyte

Us der alemannische Wikipedia, der freie Dialäkt-Enzyklopedy

Grüezi, grüessech und willkomme uf der alemannische Wikipedia!

Di frei Enzyklopedi, wo alli chöi mitschaffe.

| Es Archyv isch en Yrichtig zum Dokumänt, wo men als Kwelle für d Gschicht aluegt, ufzbewaare, zpfläge und nutzbar zmache. Es isch öppis us em Fachberych vo dr Informazioonswüsseschaft. Archyv zelle wie d Biblioteeke zu de wichtigen Aarte vom Kulturguet.S Wort chunt vom latynische archivum, wo «Chaschte für Schrifte» bedüütet, und das goot uf s eltere griechische ἀρχεῖον archeíon zrugg; so het men emene Huus mit ere öfentliche Vrwaltigsfunkzioon gseit; es hanget zäme mit dr Bezäichnig Archonte für die hööche staatliche Funkzionäär im alten Athen.Im hüttige Sproochgebruuch isch s Wort Archyv nid äidüütig. Me säit de Hüüser, wo men äxtra für grossi Dokumäntesamlige bout het, eso, und au de separaate Archiyvrüüm innerhalb von ere Ligeschaft; und dr Naame chan au gsamthaft en Inschtituzioon oder e Verwaltigsabtäilig bedüüte, wo drfüür doo isch, e Dokumäntesamlig z pfleege. I dr Umgangssprooch bruucht me dr Name sogar au für gwöönlichi und nid wyters organisierti Lager vo Schriften und andere Sache. (…der ganz Artikel lese) | | | -------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------- | |

Hesch gwüsst ... Landesgartenschau Nèiburg àm Rhii 2022 ... dàss s Elsàss, àls Nochber, a Üsstellung-Pavillon uf dr Landesgartenschau Nèiburg àm Rhii 2022 ghàà hàt? ... dass der Buure-Tabak syt em Drissgjährige Chrieg z Euroba about wird? ... ass d Irène Schweizer zue dr Grinder*ne vum europäische Free Jazz zellt? ... dass Elegtromotorè hüt großflächig in Maschinnè, Automatè, Roboter, Spillzüüg, Huushaltsgrät, Elegtronikgrät, Fahrzüüg, Rasèmaajer, Krän usw. ygsetzt wörrèd? ... dàss dr Joseph Fritsch mìt 7 Joohra ìm Verain AS Fauteuil z’ Mìlhüüsa ààfànga hàt Handbike fààhra? ... dass de Zwäck vo der Associazione Augusta am Aafang hauptsächli dèè gsy isch, das mer hät wele s Walsertüütsch vo Issime, d Éischemtöitschu, am Läbe bhalte?

Alemannischi Nachrichte: 9. Jänner 2025:Schwiizerdütsch – linguistischer Thriller mit Marina Rumjanzewa (SRF)Das legendäre Hörspielstudio des SWR in Tübingen steht vor dem Ende (Südwestpresse) 7. Jänner 2025:Mundart-Slam: Fünf Schwaben vergleichen sich (Mittelschwäbische Nachrichten) 5. Jänner 2025:Der Emmendinger Heimatkundler und Kulturpreisträger Herbert Burkhardt ist mit 89 Jahren gestorben (Badische Zeitung)Die Bootsbauer – Hörspiel in bodenseealemannischer Mundart (SWR) 2. Jänner 2025:Philip Maloney im TV - plötzlich spricht er Berndeutsch! (SRF) 1. Jänner 2025:Videoserie: „Im Dialekt bin ich näher dran an den Leuten“ (Augsburger Allgemeine)Luege, Glungge, Böle, Röschti, Schnudderi (seniorweb.ch) Meh Nachrichte uf Dialäkt-Neuigkeite

Josef Martin Knüsel 1481: Dr italienisch Architäkt un Moler Baldassare Peruzzi chunnt uf d Wält. 1871: Im Dytsch-Franzesische Chrieg siige Preuße un syni Verbindete in dr Schlacht an dr Lisaine in dr Nechi vum belagerete Belfort iber e franzesischi Armee unter em General Charles Denis Bourbaki. 1889: Dr Schwyzer Bolitiker un Bundesrot Josef Martin Knüsel (Bild) stirbt 1992: Kroatie un Slowenie wäre vu dr dertemool 12 Staate vu dr EG as unabhängigi Staate anerkännt. 2001: Dr US-Unternämmer Jimmy Wales un dr Philosophi-Dozänt Larry Sanger grinde di frei Enzyklopedi Wikipedia.

Näbeprojäkt:

Schwöschterprojekt