-itt – Store norske leksikon (original) (raw)
-itt er eit suffiks som betyr at noko høyrer til eller er forbunde med noko.
Faktaboks
via fransk og latin frå gresk -ites ‘som høyrer til’
Suffikset blir brukt i framandord av latinsk-gresk opphav, særleg om mineral, bergartar og fossil, til dømes i granitt og trilobitt, og om kjemikaliar, til dømes i nitritt. Suffikset blir også brukt i ymse ord for menneskeskapte produkt, som i dynamitt og bakelitt.
Suffikset blir dessutan brukt i ord for personar med bestemte eigenskapar, tilhøyr eller skapnad, til dømes i jesuitt, mandalitt og transvestitt.
I medisin blir -itt brukt om betennelsar, til dømes i bronkitt og meningitt.